De Gulden Passer. Jaargang 58-59

Industria naturam corrigit.

41.

Tam rude & incultum nihil est, industria possit

Naturae vitium quin poliisse, labor.

Inuentam casu cochleam, temereq́ue iacentem

Instruxit neruis nuntius ille Deûm.

Informem citharam excoluit: nunc gaudia mille,

Et reddit dulces pectine mota sonos.

Cur igitur quereris, naturam & fingis ineptam?

Nónne tibi ratio est? muta loquuntur, abi.

Ritè fit è concha testudo, seruit vtrinque:

In venerem haec digitis, saepiùs illa gula.