De Gulden Passer. Jaargang 58-59
(1980-1981)– [tijdschrift] Gulden Passer, De–
Auteursrechtelijk beschermd
[pagina 56]
| |
3.
Prona virens caelum specto, nec fulmina terrent,
Ob scelus excelsa quae iacit arce pater.
Quin etiam foliis crepito, Daphnemq́ue perusta
Nomino, quam domini sollicitauit amor.
Conscia sic munit virtus, & labe remota
Conditio Superis grata, virensq́ue diu est.
Haud voces hominum metuit, non ignea tela,
Qui niueo mentem cinxit amore suam:
Non hanc Eumenidum furor, aut agitabit iniquè
Tristi, & insonti non adeunda domus.
Candidus hoc etiam senio confectus inerti
Nos monet, vt presso gutture cantat olor.
Purus congreditur sociae, mox perluit vnda,
Et cano mores ritè colore refert.
Paenitet illicitae quem vitae, & conscius error
Non premit, aeternis concinit ille modis.
 |
|
