De Gulden Passer. Jaargang 58-59

146. Vuyle vrecke vrientschap.
Tot Octauianum Ferrarium van Milanen.

Ist dat den spiegel gheen loot achter en heeft

Mits welc hy de gedaenten wedere vertoont claer,
So besietmen te vergeefs, want hy niet weer en geft
Eenige gelijckenis mits dat de radien daer
Door schijnen: desgelijcs vintmen menschen voorwaer
Dit altijt eysschen en begeeren euen seere,
En nemen watmen haer geeft blijuende ondancbaer:
Want niet en blijct dat zijt bekennen ymmermeere.
Ghelijc van wille moeten sijn tot elcken keere
Die door min' en vrientschap t'samen zijn vast gebonden,
D'een d'anders beelt zijnde, oft anders is liefde teere.
Dit weet ghy Ferrari best, na mijn vermonden,
Die my bemint, en gedenct tot allen stonden.