De Gulden Passer. Jaargang 58-59

93. Tijt verlies, Totten ketsbal.

Hoe bedriechdy de iongers ghy balleken cleene?

Maectyse stercker, oft condy hen yet geuen?
En als u t'racket opdrijft, vliechdy alleene
Door v eygen cracht verre buyten schreuen?
Corts wordy geuonden, en wederom gedreuen
Den seluen wech, diesmen v vercoopt euen seere.
Den siecken en dorfdy belouen een gesont leuen,
Daer ghy de gesonde af berooft telcken keere.
T'gelt doedy verquisten, en door eens anders eere
Triumpheert ghy: v dienen woorden en gesten licht.
Voortijts en was sulcx niet des bals wet noch leere,

[p. 37]

 

Noch t'ketspel en brocht van gelde niet sulcken gewicht

 

Door dees abuysen sijnen Meester diet had gesticht.

 

Dus mindert den cost, en geeft ons weder den tijt,

 

Oft nemmermeer en moety meer vliegen met iolijt.