De Gulden Passer. Jaargang 58-59

73. Een onontwerlicke verwisselinge.

Ic verander van crediteur, dus blijf ick altijt

Schuldich dat ic betale, gaende euen seere
Achterwaerts als voorwaerts: dies een ander t'profijt,
En ic de sorge voor hem en voor my heb telcken keere.
So vaert hy die met eens anders borse wijt
Rijck wilt worden, en t'sijn niet en telt metter vlijt.
Hoe veel waert dan beter hem wijslic tontslane
Van een deel sorgen en dunne sonder nijt:
Maer nochtans gemackelic gecleet te gane.
Wat is oft ic schoon eens anders pluymen heb ane,
Als ic niet eygens en heb dat ic behouwen mach?
So is nu lichtende en dan duyster de Mane,
Want sijt vander Sonnen nemen moet sonder verdrach.