De Gulden Passer. Jaargang 58-59

70. Te spade ghespaert.

Arm suldy blijuen, wildy sonder sparen

So veel verteren en wech gheuen altijt
Als ghy incomende hebt en cont vergaren,
Telt v renten maect v rekeninge subijt,
En hoe veel ghy ter maent verouerende zijt.
Siet in tijts toe, op dat ghy v niet bloot en vint,
Als ouderdom, siecte, en armoede metter vlijt
V oueruallen: nochtans en weest so niet gesint
Dat ghy sult blijuen sitten op dat ghy hebt, oft wint
Sorgende voor den morgen altijt euen gierich:
Maer sullet gebruycken in als manierich.