De Gulden Passer. Jaargang 58-59

58. De principaelste orsake der pesten, oft sterften.

Homerus de Poëte beschrijft ons reene,

De groote sterfte der Griecken ghemeene,
Waer door menschen en beesten vergongen eenpaerlic,
D'oorasek was Apolo, en anders gheene,
Die de locht door sijn gramschap vervaerlic
Met zijn radien gecorrumpeert had swaerlic.
Hoe wel hy ooc is een Medecijn seer crachtig,
Verdrijuende t'quaet als hy ons wilt zijn spaerlic.
Maer dat de beesten eerst storuen onsachtich,
Dats om dat de menschen van Godt almachtich
Recht op gaende in deser werelt zijn gestelt,
Dies het d'aertsche vapueren fenijnachtich
So haest niet geschaet en hebben noch gequelt.
Van den Hemel quam dees plage voorgemelt,
Op den Griecken, diemen altijt euen wraecgierich
Sach veruolgen en dooden hen vianden ongetelt:
Maer laet ons God bidden met herten vierich,
Dat hy ons niet na onse wercken putertierich
En straffe, maer van ons alle plagen keeren wil.
En sacchtelick vermanen om hem t'eeren stil.