De Gulden Passer. Jaargang 58-59

55. Den Edelen Heeren Marco ende Ioanni Fockers ghebroeders.

Die de Lelien den Fockers heeft gegeuen,

Sprac, dese en heb ick niet inden Lenten alleene
Ghedragen, maer inder eewicheyt sonder sneuen,
Van gelijcken moet wesen dat v ghemeene
T'geluc is geuende, metter deucht reene.
Dit was de hope, de deucht, en fame onsterflick
Altijt vermeerdert hebben, en anders gheene,
Welcke wapenen v huys is vuerende erflick,
Dees maget heeft v gemaect veel goets verwerflic
En niet der fortunen ongestadich dwalen,
D'welc seer wel bewijst v miltheyt onafkerflick
Want waer door ghijt cregen hebt blijct sonder falen
Wt v hant eringe, en wt elcx verhalen.
Lange moety leuen eendrachtelic bey t'samen
Die so rijckelic begaeft zijt met diuersche talen.
Gheen nijder en moet v aen goet oft eere pramen,
Maer door v verdiensten beminnen sonder blamen.