De Gulden Passer. Jaargang 58-59

26. Soberlick salmen drincken.

Veel monsteren voet (somen seyt) d'Egyptsche lant,

Doe isser veel quaets schuylende in des Nijls stroomen,
Waer om men daer wt niet vry aen elcken cant
Drincken en mach: Dwelck ooc den hont doet schroomen
Diet heeft versocht, waer door hi hem wacht met verstant
Sijnen dorst lesschende met het water playsant,
Dat hy met fenijns in en neme schadelick,
Dus ist hem genoech twater gesmaect te hebben, want
Met vele en derf hy hem niet zijn versadelick,
En so onderhoudt hy zijn leuen beradelick.
Veel lecklicker doense, die (waer dat geschiet)
Haer altijts vullen met dranck gestadelick,
Waer door mense als beesten worden siet
Hebbende eens menschen forme, maer de reden niet