Golfslag. Jaargang 2

[p. 29]

Ons is geboren

Ons is geboren
Een uutvercoren
Clein kindekijn
Waert niet geboren,
Wi waren verloren
Laet ons blide sijn!

Maket hem een bat
Van tranen nat,
Badet hem daer in!
Hi waert geslagen,
In bloede gedwagen,
Om onsen wil.

Nu wieget hem sachte,
Mit reinen gedachten
Ende singet hem claer!
Het spreket sijn mont,
Hi mint een suver gront
Ende dat is waer.

Nu leert hem gaen
In enen volstaen
In doogden voort!
U afkeren
Vergrammet hem sere,
Ende hi wort verstoort.

Ellic si met sinnen
Een voetster der minnen
Ende nemes hem aen.
Hi sals hem lonen
Mit hem selven,
Dat weet ic wael.

Onbekend dichter, 15^e eeuw.