Het godshuis van Sint-Jan & Sint-Pauwel te Gent, bijgenaamd de Leugemeete


1^ter. 1427. - De schepenen bevestigen de vroegere brieven der stichting. Allen den ghonen die deze presente lettren zullen sien ofte hooren lesen, scepenen van beede den bancken van-
[pagina 4]
der stede van Ghendt, saluijt met kennessen der waerheden. Wij doen te wetene dat up den dach van heden, wij hebben ghesien ende ghevisitert zekere opene lettre, goet, gans, gave ende gheheel in seghele ende scrifture, zonder eenighe vitie fraude ofte rasuere, ghegheven ende gheseghelt in dobbelen steerte van parchemijne ende groenen wasse daer anhanghende, metten grooten seghele van sent Janne van deser stede; van welcker lettre de teneurehiernaer volghet van woorde te woorde: (Zie n^r 1). Item zo hebben wij noch ghesien ende ghevisiteert een vidimus in alder manieren ende conditien ende metten zelven seghele hierboven verclaerst; van welcken vidimusse de teneure hiernaer volghet van woorde te woorde: (Zie n^r 1^bis). In kennessen van ziene, so hebben wij, scepenen voorscreven, deze presente lettren bij manieren van vidimus ghedaen seghelen metten seghele van zaken der voorseijde stede van Ghendt, den derden dach in meije int jaer Ons Heeren dusentich vierhondert twintich ende zevene. Up den ploy gheteeckent: J. Boele; gheseghelt in groenen wasse up dobbelen steerte van parchemijne. Stadsarchief van Gent, Register LL, blad 285^vo. - Ook bij Diericx, Mémoires sur la ville de Gand, t. II, p. 595.