De Gids. Jaargang 121

[p. 4]

Elisabeth Eybers

Massale swaartekrag, kan jy
diè dartel akrobaat kleinkry?

Blink en bronskleurig buitel hy:
lenig, geveerd en aardevry

skep hy 'n nuwe wentelbaan -
maar as hy nouliks loodreg staan

skiet sy slu skadu uit en pak
hom stewig beet aan elke hak.

Aeneas laai sy vader op sy rug
en klem sy knaap se handjie om diè twee
te red uit Troje - meet met elke tree
hoe lenig liefde is, hoe loodswaar plig.