De Gids. Jaargang 121

[p. 3]

Elisabeth Eybers
Sondagmiddag

As ledige vrede dikteer
krom ons kneukels gedwee tot die taak
om die drade te artikuleer

wat rafel uit namiddagdrome,
te pluk aan die punt van die kluwe
wat naarstigheid nooit kan ontbind.

Huiwerende hiërogliewe,
kronkelende kromosome
word deur die brein uitgelint.

Lijdelik, lendene gelenig,
word albei 'n middagwaak wyser
bly elk se bevindinge enig:

by nadere waarneming blyk
dat joù memoranda in syfers,
mỳne in sinsnedes pryk.