De Gids. Jaargang 121

[p. 2]

Elisabeth Eybers
Slaaptyd

Sy sug of sy selfs in die wegsink weet
dat niks verskrikliks werklikwaar gebeur
solank mens elke dag jou les mooi leer,
jou aandgebedjie sê, jou groente eet.

Die sprokiesboek se stofomslag vertoon,
omkrans met loofwerk soos 'n goue teks,
die huis waar Hans en Grietjie by die heks
voorlopig argloos en luilekker woon.

Sy fluister nog 'n laaste opdrag aan
die bolpens teddiebeer wat elke nag
kordaat, trouhartig en alwetend wag
tot sy haar oë oggendlik opslaan
om onbeneweld rondom haar te kyk
of alles min of meer soos gister lyk.