De Gids. Jaargang 121

[p. 1]

[Eerste deel]

Elisabeth Eybers
Adam

Alles wat glim of gly,
soepel en rosig-rond,
verdenking van boesem, dy
wat deur yl weefsel wink,
naellak, getinte mond,
blik wat afwagtend blink,
lokstem wat sorgloos klink,
àl wat die sinne vlei
prik die vertroude wond,
por weer die siek spesmaas^*
dat sy steeds, met die slang
kop in een mus, beplan
om hòm uit die tuin te ban.
Elk wat hom ywerig haas
om swart op wit te plaas
dat Eva nog vandag
in haar gewaagde drag
verderf dui vir siel en lijf,
tref uit sy skans die, ag,
eeue-oue skyf.

* vermoedens