De gheestelycke vryagie
(1624)–Anoniem Gheestelycke vryagie, De–Hier neemt de Bruydt oft Christen ziele haren toevlucht to Maria Finis Terrae, ende bidt voor de weldoenders van die.O Maria Finis Terrae,
Des sondaers medecijn,
Ick groet v sonder meere,
Al metter herten mijn,
Och wanneer sal't zijn,
Dat ick v klaer aenschijn,
Sal moghen aenschouwen,
In't Landtschap sonder pijn.
O Maria Aduocatersse,
Al van het menschelijck gheslacht,
Weest toch mijn beschermersse,
In desen duysteren nacht,
Op dat door 'sVyandts macht,
Niet en werde ghebracht,
Mijn arme ziele,
Al in der Helle gracht,
O Maria ghy zijt verheuen,
Hier bouen in 'sHemels Throon,
Daer sult ghy eeuwelijck leuen,
| |
[pagina 342]
| |
Met uwen lieuen Soon
Wilt hem een bede doen,
Al voor my arm slauoen,
Dat ick hem mach behaeghen,
Al in mijn laeten en doen.
O Maria reyn Maeghet verkoren,
Die nv met Godt regneert,
By een Lelie onder de doren
Wordt ghy ghecompareert:
Ghy jubileert
Ende glorieert
In allen hemelsche weelden,
Daer ghy nv triumpheert.
O Maria edel Princesse,
Noch roep ick v eens aen,
Wilt toch my arm dienersse
In allen noodt bystaen,
En allen die door een goedt vermaen,
V Kapelle dienst hebben ghedaen:
Wiltse toch al beschermen,
En in gheender noodt afgaen.
|
|