Een gheestelijck lust hofken

Met schoone lieffelijcke geestelijcke ghesanghen beplant, door eenen Catholijcken pastoor

Van de Hemelsche glorie.

Op de wijse: Alst begint.

O Schepper fier,
Hoe lustich ist te wesen,
Daer ghy zijt gepresen
Van d'Engelen inden throon
Wilt my doch hier,
Van allen druck genesen,
Heere wtgelesen
Geeft namaels sulcken loon,
Dat ick u aenschijn mach aenschouwen
En u geboden onderhouwen,
Heere Jesus soet,
Geeft ons dat eewich goet.

Dat ick, &c.

Wie sou die vreucht

En blijdschap connen schrijven,
Die sy daer bedrijven,
In Syons schoone pleyn ?
Sy sijn verheucht,
Om dat sy mogen blijven
En altijt beclijven
By 't Lam Godts suyver greyn,
Lammeken doet op ten thoone,

[p. 62]

 

't Boeck met seven segels schoone,

 

Heer Jesus, &c.

 

Dees stadt eerbaer

 

Die is schoon boven maten,

 

Aenmerckt, want haer straten

 

Sijn van sijn Gout planteyt:

 

d'Engelen aldaer

 

Met gulde Wierooc-vaten

 

Loven sonder laten

 

Tot inder eewicheyt,

 

En prijsen Godt van Hemelrijcke:

 

Met soeten lofsang en Musijcke.

 

Heere Jesus, &c.

 

De duyster nacht

 

Sietmen daer niet floreren,

 

Altijt triumpheren

 

Godts vrienden claer en schoon

 

Met groote cracht

 

Sietmense jubileren,

 

En sonder cesseren

 

Singen met soeten toon,

 

Daer en gebreect noch Son noch Mane

 

Noch geen licht by haer te stane.

 

Heere Jesus, &c.

 

Mijn ziel met moet

 

Wilt u vlijtich opmaecken,

 

Bidden ende waecken,

 

Op dese vreucht doch ledt:

 

Cleyn ende groot,

 

Na desen staet wilt haecken,

 

Die daer in gheraecken,

 

Moeten zijn onbesmet,

[p. 63]

 

Sy zijn becleet met witte zijde,

 

Loven den Heer met herten blijde,

 

Heere Jesus, &c.