Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xx. Capittel.

1

⁺ENde ick heb ghesien eenen enghel nederdalende vanden hemel hebbende den slotel van den afgront, ende een groote ketene in sijn hant.

+ A

2

Ende hy heeft ghegrepen den draeck dat oude serpent, welck is die duyuel ende satanas, ende hy heeften ghebonden tot duysent iaren,

3

ende hy heeft hem gheworpen inden afgront. Ende hy heeft dien ghesloten, ende daer op ghesegelt, dat hy die heydenen niet meer verleyden en soude, tot dat die duysent iaren voleynt waren, ende daer nae moet hy ontbonden worden een luttel tijts.

4

Ende ick heb die stoelen ghesien, ende sij hebben daer op gheseten, ende het ordeel is hen ghegheuen, ende die zielen der onthoofder om Iesus ghetuyghenis, ende om dwoert Godts, ⁺ende die de beeste niet aenghebeden en hebben noch haer beeldt, noch haer teeken ontfanghen en hebben in hen voerhoofden ofte handen, ende sij hebben gheleeft ende gheregneert met Christo duysent iaren.

+ B

5

Die andere dooden en sijn niet leuende gheworden tot dat duysent iaren gheeyndt waren dit is die ierste verrijsenisse.

6

Salich is hy ende heylich die een deel heeft in dierste verrijsenisse. In dese en heeft de tweede doot gheen macht. Maer sij sullen sijn priesters Godts ende Christi, ende sij sullen met hem regneren duysent iaren.

7

Ende als die duysent iaren voleynt sullen wesen, dan sal satanas ontbonden worden wt sijnen kerker, ende hy sal wt gaen ende verleyden die Heydenen die daer sijn op die vier hoecken der aerden, Gog ende Magog ende hy salse vergaderen ten strijde, ⁺der welcker ghetal is ghelijck dat sandt der zee.

+ C

8

Ende sij sijn gheclommen op die breetheyt der aerden, ende sij hebben omringhelt die heyrlegheren der heyleghen, ende die wtuercoren stadt.

9

Ende daer is een vier nederghedaelt van Gode wten hemel, ende dat heeftse verslonden ende die duyuel diese verleydde is gheworpen in den poel des viers ende solfers, daer die beeste

10

ende die valsche propheet ghepijnicht sullen worden dach ende nacht in die eewicheden der eewicheden.

11

Ende ick heb ghesien eenen grooten witblinckende throon ende eenen daer op sittende, voer wiens aensicht is gheuloden die aerde ende den hemel, ⁺ende daer en is gheen plaetse gheuonden voer hen.

+ D

12

Ende ick hebbe ghesien die dooden cleyn ende groote staende voer daenschijn des throons, ende die boecken sijn openghedaen, ende daer is eenen anderen boeck open ghedaen, welck is des leuens, ende die dooden sijn gheordeelt wt tghene datter ghescreuen was in die boecken, nae hen wercken,

13

ende die zee heeft die dooden ghegheuen die in haer waren, ende die doot, ende die helle hebben hen dooden ghegheuen die in hen waren, ende daer is gheordeelt van elcken besonder nae hen wercken.

14

Ende die helle ende die doot sijn gheworpen in den poel des viers. Dit is die tweede doot.

15

Ende die niet gheuonden is ghescreuen int boeck des leuens, die is gheworpen inden poel des viers.