Den gheheelen Bybel, Inhoudende het oude ende nieuwe Testament (Leuvense bijbel 1548)

* Dat .v. Capittel.

+ 1

⁺VVant een ieghelijc hooch priester wten menschen ghenomen, wort voor die menschen ghestelt in die dinghen die tot Gode sijn, dat hi offeren soude gauen ende sacrificien voor die sonden,

+ A

2

die medelijden soude moghen hebben met die ghene die onwetende sijn ende dolen, want hy ooc beuanghen is met crancheyt,

3

ende daerom moet hy als door tvolc, oock voor sij seluen offeren voor die sonden.

4

⁺Ende niemant en neemt sij seluen die eere aen, maer die van Gode

+ B

[p. *898]

gheroepen wort als Aaron.

5

Alsoo en heeft Christus sij seluen niet eerlijck ghemaect dat hy hooch priester soude worden, maer die ghene die tot hem ghesproken heeft. Ghy sijt mijn sone, ick heb v heden voortghebracht,

6

Ghelijckerwijs hy oock op een ander plaetse seyt. Ghy sijt priester inder eewicheyt, nae die insettinghe van Melchisedec.

* 7

Die in die daghen sijns vleeschs, ghebeden ende smeekinghen tot den ghenen die hem mocht verlossen vander doot, met een crachtich gheroep ende met tranen offerende, ⁺is verhoort gheweest om sijnder eerweerdicheyts wille,

+ C

8

Ende voorwaer hoe wel hy die sone was, heeft hi wt tghene dat hy gheleden heeft, onderdanicheyt gheleert,

9

ende volmaect wesende, is hy, alle den ghenen die hem onderdanich sijn, gheworden een oorsake der eewigher salicheyt,

10

ghenoemt van Gode een hooch priester nae die ordinancie van Melchisedec,

11

Vanden welcken wi een groote reden hebben, ende swaer om wt te legghen, want ghy sijt cranck gheworden om te hooren,

12

⁺want als ghy behoordet meesters te sijne om des tijts wille soo behoefdi wederom datmen v leere welck die ierste beghinselen sijn der woorden Godts, ende ghy sijt gheworden sulc den welcken melc van noode is, ende gheen harde spijse,

+ D

13

Want alle die melck nuttet die en is niet deelachtich van dwoort der rechtuerdicheyt, want hy is noch een cleyn kint,

14

Maer den volmaecten hoort toe die harde spijse, hen die door ghewoonte hebben gheoeffende sinnen tot onderscheyden van goet ende quaet.