Den gheheelen Bybel, Inhoudende het oude ende nieuwe Testament (Leuvense bijbel 1548)

* Dat .v. Capittel.

1

⁺STaet ende en wilt niet wederom met dat ioc der slauernien ghehouden worden.

+ A

2

Siet ick Paulus segghe v lieden, eest dat ghy besneden wort, soo en sal v Christus niet baten,

3

Ende ic betuyghe wederom ieghelijcken mensche die hem seluen besnijdt, dat hy sculdich is alle die gheheel wet te vol brenghen.

4

Ghy sijt verlaten van Christo die in die wet gherechtuerdicht wort ghi sijt van die gratie gheuallen,

5

want wi verwachen door den gheest wt den ghelooue die hope der rechtuerdicheyt,

6

Want in Christo Iesu en dooch die besnijdenisse niet, noch die onbesnedenheyt, maer tghelooue dat door die liefde werct,

7

⁺Ghy liept wel, wie heeft v beledt der waerheyt niet onderdanich te sijne?

+ B

8

dit onderwijs en is wt hem niet die v lieden roept,

9

Een luttel heefs versuert tgheheele deech.

10

+ Ick heb betrouwen van v lieden inden Heere dat ghy anders niet gheuoelen en sult, maer die v ontstelt sal het ordeel draghen soo wie dat die is,

11

Maer broeders eest dat ick noch die besnijdenisse preke, waerom lijde ick noch veruolghinghe? Soo is dan te niet ghedaen die verarghernisse des cruys.

* 12

Och oft sij oock afghesneden waren die v ontstelt maken,

13

want ghy sijt tot die vrijcheyt gheroepen broeders, alleenlijck siet toe dat ghy die vrijcheyt niet en ghebruyct ter oorsaken des vleeschs, maer door die liefde dient malcanderen,

14

⁺want alle die gheheel wet wort in een woort volbracht, Bemint uwen naesten als v seluen,

+ C

15

maer eest dat ghy malcanderen bijtet ende etet, soo siet toe dat ghy van malcanderen niet verteert en wort,

16

Maer ick segghe.

+ Wandelt inden gheest, ende ghy en sult die lusten des vleeschs niet volbringhen,

17

Want dat vleesch begheert teghen den gheest, ende den gheest teghen tvleesch want dese sijn malcanderen teghen, alsoo dat ghi niet al en doet wat ghy wilt,

18

Eest dat ghi door den gheest gheleyt wort, soo en sijt ghy onder die wet niet,

19

maer die wercken des vleeschs sijn openbaer, die welcke sijn hoereringhe, onreynicheyt, oneerbaerheyt, oncuyscheyt,

20

afgoderie, toouerie, viantschappen, kijuagien, nijdighe veruolghinghen, gramschappen, strijdinghe, tweedrachten, secten,

21

nijdicheden, ⁺dootslaghen dronckenschappen, brasserien, ende deser ghelijcken, die welcke ick v te voren segghe ghelijc ick te voren ghe-

+ D

[p. *880]

seyt hebbe. Dat soo wie sulcks doen die en sullen het rijck Godts niet vercrijghen,

22

Maer die vrucht des gheests is liefde, blijscap, vrede, verduldicheyt, goedertierenheyt, goetheyt, lancmoedicheyt,

23

saechtmoedicheyt, getrouwicheyt, seeghbaerheyt, eerbaerheyt reynicheyt. Teghen alsulcke en is die wet niet,

24

maer wie Christo toebehooren die hebben hen vleesch ghecruyst met die ghebreken ende quade lusten,

25

Eest dat wij nae den gheest leuen, soo laet ons nae den gheest oock wandelen,

26

En laet ons niet worden ydel glorie begherende, malcanderen terghende malcanderen benijdende.