Den gheheelen Bybel, Inhoudende het oude ende nieuwe Testament (Leuvense bijbel 1548)

* Dat .vi. Capittel.

+ 1

⁺BRoeders al eest datter een mensch haestelijc gheuallen is in eenich misdaet, ghy die gheestelijck sijt onderwijst alsulcke inden gheest der saechtmoedicheyt aenmerckende v seluen, dat ghy ooc niet ghetempteert en wort,

+ A

2

Draecht deen des anders last, ende alsoo suldy volbrenghen die wet Christi,

3

want eest dat hem iemant laet duncken dat hy wat is daer hy niet en is, dese bedriecht sij seluen,

4

Maer een ieghelijck proeue sijns selfs werck, ende alsoo sal hi in sij seluen alleen glorie hebben, ende niet in eenen anderen,

5

⁺want een ieghelijck sal sijnen last draghen,

+ B

6

Ende wie gheleert wordt metten woorde die deele mede in alle sijn goeden den ghenen die hem leert,

7

En wilt niet dolen, Godt en wort niet bedroghen, want wat een mensch saeyt dat sal hy oock maeyen,

8

want die in sijn vleesch saeyt, die sal vanden vleesche ooc maeyen verganckelijcheyt, maer wie inden gheest saeyt, die sal vanden gheest maeyen het eewich leuen,

9

Maer goet doende en laet ons niet ophouden, want te sijnen tijde sullen wij maeyen sonder ophouden,

10

Daerom als wij tijt hebben, soo laet ons goet doen tot een ieghelijcken, ⁺maer aldermeest tot die huysghenooten des gheloofs.

+ C

* 11

Besiet met hoedanighe letteren ick v ghescreuen hebbe met mijnder hant.

12

Alle die behaghen willen int vleesch, die dwinghen v lieden besneden te worden, alleenlijck op dat sij des cruys Christi veruolghinghe niet lijden en souden,

13

Want die ghene die besneden worden en bewaren die wet oock niet, maer sij willen dat ghy soudt besneden worden, om dat si in v vleesch souden gloriëren.

14

+ ⁺Maer verre sij van my te glorieren anders dan int cruys ons Heeren Iesu Christi door wien my die werelt ghecruyst is, ende ick der werelt,

+ D

15

Want in Christo Iesu en is niets weert die besnijdenisse nocht die onbesnedenheyt, maer die nieuwe creatuere,

16

Ende soo wie desen reghele volghen, vrede sij op die, ende bermherticheyt, ende op Israel Gods.

17

Voortaen soo en sij niemant my meer lastich, want ick draghe die litteekenen des Heeren Iesu in mijn lichaem.

18

Die gratie ons Heeren Iesu Christi sij met uwen gheest broeders. Amen.

* Hier voleynt die Epistel van sinte Pauwels totten Galaten.