Den gheheelen Bybel, Inhoudende het oude ende nieuwe Testament (Leuvense bijbel 1548)

[p. *864]

Dat .iij. Capittel.

1

⁺ENde ick broeders en heb v lieden niet moghen spreken als gheestelijcke menschen, maer als vleeschelijcke. Als cleynen kinderkens in Christo,

+ A

2

heb ic v melck te drincken ghegheuen, ende niet spijse. Want ghy en mochtes noch niet, maer noch nu oock en moech des voerwaer niet, want ghi sijt noch vleeschelijcke.

3

Want als onder v is nijt ende twist, en sijdi dan niet vleesschelijck ende en wandeldi dan niet nae den mensch?

4

Want als die eene seyt, Ick ben Paulus discipel, ende die ander ick ben Apollos, en sijdi dan niet menschen? Wat is dan Apollo? ende wat is Paulus?

5

Dienaers des gheens den welcken ghy ghelooft hebt, ende eenen ieghelijcken ghelijck die Heere ghegheuen heeft.

6

Ick heb gheplant, Apollo heuet ghewatert, maer Godt heeft den wasdom ghegheuen.

7

Daer om noch die gheen die plant en is wat, ⁺noch die ghene die watert, maer Godt die den wasdom gheeft.

+ B

8

Maer die plant ende die watert sijn een. Ende een ieghelijck sal sijnen eyghenen loon ontfanghen nae sijnen arbeyt,

9

Want wy sijn Gods helpers. Ghy sijt Gods lantwinninghe. Ghy sijt Godts timmeragie.

10

Nae die gratie Godts die my ghegheuen is, soe heb ick als een wijs ouertimmermeester het fundament gheleyt, maer een ander timmert daer op. Maer een ieghelijck sie hoe dat hy daer op timmert.

11

Want niemant en mach een ander fundament legghen, dan tghene datter gheleyt is dwelck is Christus Iesus.

12

Maer eest dat iemant op dat fundament timmert gout, silver, costelijcke steenen, ⁺houten, hoy, stoppelen,

+ C

13

eens ieghelijcs werck sal gheopenbaert wesen. Want den dach des Heeren salt verclaren, want het sal int vier gheopenbaert worden, ende eens ieghelijcs werck hoedanich dattet is dat sal het vier toonen.

14

Eest dat iemants werck dat hy daer op ghetimmert heeft blijft, soe sal hy loon ontfanghen.

15

Eest dat iemants werck bernt, soe sal hy scade lijden, maer hy sal behouden wesen, alsoo nochtans als doert vier.

16

En weet ghy niet dat ghi Gods tempel sijt, ende dat den gheest Gods in v lieden woont?

17

Maer eest dat iemant den tempel Gods schendt, dien sal Godt schenden. Want den tempel Gods is heylich, dwelck ghy sijt.

18

Niemant en bedrieghe sij seluen, ⁺eest datter iemant onder v lieden scijnt wijs te wesen in dese werelt, die worde sot, op dat hy wijs worden mach.

+ D

19

Want die wijsheyt deser werelt is dwaesheyt by Gode. Want daer is ghescreuen, Ick sal die wijse begrijpen in hen scalcheyt.

20

Ende weder om, die Heere kent die ghedachten der wyser dat sij ydel sijn.

21

Daer om niemant en gloriere in die menschen.

22

Want het is al uwe, tsij Paulus, tsij Apollo, tsij Cephas, tsij die werelt, tsij dleuen, tsij die doot, tsij teghenwoerdich, tsij toecomende. Want alle dinghen sijn uwe,

23

ende ghy behoort Christo, ende Christus behoort Gode toe.