Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xxiiij. Capittel.

1

⁺MAer nae vijf daghen soo is nederwaerts ghegaen die prince der priesteren Ananias met sommighe ouderen ende Tertullo eenen oratuer, die welcke sijn aenden president gheghaen teghen Paulum,

+ A

2

Ende als hy Paulum opgheroepen hadde, soo begonste Tertullus te besculdighen segghende. Aenghesien dat wij in veel vreden leuen door v, ende veel dinghen ghebetert worden door v voorsienicheyt,

3

dat nemen wij aen tot allen tijden ende plaetsen o ghi alderbeste Felix, met alder dancbaerheyt,

4

Maer op dat ick v niet te langhe en vertrecke soo bidde ic v dat ghy ons int corte hoort nae v goedertierenheyt,

5

⁺Wij hebben desen man beuonden scadelijck, ende verweckende oploopen allen den Ioden in alle die werelt ende den principaelsten verweckere van die secte der Nazarenen,

+ B

6

die hem ooc ghepijnt heeft den tempel te ontsuyueren, Den welcken wij oock ghevanghen hebbende, wilden nae onse wet ordeelen,

7

Maer die ouercapeteyn Lysias ouercomende heeft hem met grooter ghewelt wt onse handen ghetrocken,

8

ghebiedende dat sijn betichters tot v comen souden, vanden welcken ghy ooc ordeelende, moecht van alle dese dinghen kennisse nemen, ⁺daer wij hem af besculdighen,

+ C

9

Ende die Ioden hebben oock daer toe ghedaen, segghende dat dese dinghen alsoo waren,

10

Maer Paulus heeft gheantwoort (den president hem teeken gheuende dat hy spreken soude) Want ick wete dat ghy ouer veel iaren een richter sijt gheweest van dit volck, soo sal ic my goets moets verantwoorden,

11

Want ghi moghet vernemen hoe dat my niet meer dan twaelf daghen en sijn, vander tijt dat ick opghecomen ben om te aenbidden in Ierusalem,

12

ende sij en hebben my niet gheuonden noch inden tempel met iemanden disputerende oft oploop der scharen makende, ⁺noch in die Sinagoge noch in die stadt,

+ D

13

noch sij en sullen v niet connen betoonen van tgene daer sij my nv af betijghen,

14

Maer ic belijde v dit dat ic nae die manier van leuen die sij ketterie noemen, den vader mijnen Godt also diene gheloouende alle dat in die wet ende propheten ghescreuen is,

15

hope hebbende in Gode, die dese oock selue verwachten, die toecomende verrijsenisse der rechtuerdigher ende onrechtuerdigher,

16

Daer toe ben ick neerstich om sonder misdaet een goede conscientie te hebben tot Godt, ende tot die menschen tot allen tijden,

17

⁺Ende nae veel iaren willende aelmissen doen onder mijn volck ende offerande, ende beloften, ben ick ghecomen,

+ E

18

met die welcke si my gheuonden hebben ghesuyuert inden tempel, niet met eenighe scare oft gherucht,

19

Maer daer sijn sommighe Ioden van Asien die welcke behoorden by v teghenwoordich te sijne, ende clachte te doen, waert dat sij iet hadden teghen my,

20

oft laet dese selue segghen, oft sij eenighe ongherechticheyt in my gheuonden hebben, want ick stae inden raet,

21

dan alleen van dese stemme waer mede ick gheroepen hebbe onder henlieden staende, ⁺Ick worde heden van die verrijsenisse der dooden gheordeelt van v lieden,

+ F

22

Maer Felix heuet wtghestelt, sekerlijck wetende van desen wech segghende. Als die ouercapeteyn Lysias afcoemt, dan sal ick v lieden hooren,

23

Ende hy heeft den hondersten man beuolen dat hy hem bewaren soude, ende dat hy rust hebben soude ende dat men oock niemant vanden sijnen en soude verbieden hem te dienen,

24

Maer nae een deel daghen Felix comende met Drusilla sijn huysvrouwe, die een Iodinne was, heeft Paulum gheroepen ende van hem ghehoort tghelooue dat in Christum Iesum is,

25

⁺Ende doen hy sprack van die rechtuerdicheyt ende suyuerheyt ende vanden toecomenden ordeele, soo heeft Felix verscrict sijnde gheantwoort. Aengaende van nv, soo gaet henen, maer ten bequamen tijde sal ick v doen roepen,

+ G

26

oock mede hopende dat hem soude gelt ghegheuen worden van Paulo, Waerom dat hi hem oock dicmael roepende, met hem sprack,

27

Maer alst twee iaren voorleden was, soo is in Felix stede ghecomen Portius festus, Maer Felix willende den Ioden belieuen heeft Paulum gheuanghen ghelaten.