Den gheheelen Bybel, Inhoudende het oude ende nieuwe Testament (Leuvense bijbel 1548)

* Dat .viij. Capittel.

1

⁺ENde op dien dach isser een groote veruolghinghe opghestaen in die kercke die te Ierusalem was, ende sij sijn allegader verstroyt gheweest doer die lantscappen van Iudeen ende Samarien, sonder die Apostelen.

+ A

2

Ende Godt vreesende mannen habben Stephanum besorcht, ende sij hebben een groot ghescrey ouer hem ghemaect.

3

Maer Saulus verwoeste die kercke van huyse te huyse ingaende, ende treckende mannen ende vrouwen, leuerde hy die in die gheuanghenisse.

4

Aldus die verstroyt waren ghinghen voerts doer vercondighende het woert.

+ 5

Ende Philippus nederdalende in die stadt van Samarien preecte hen Christum.

6

Ende die scaren luysterden nae tghene

[p. *837]

dat van Philippus gheseyt worde, eendrachtelijck hoorende, ende siende die teekenen die hy dede.

7

Want vele der gheender die onsuyuer gheesten hadden ghinghen wt, ⁺roepende met luyder stemmen.

+ B

8

Ende veel ghichtighe ende cruepele sijn ghesont ghemaect.

9

Hier om is daer een groote blijscap gheworden in die stadt. * Maer daer was een man ghenoemt Simon die te voren in die stadt een tooueraer gheweest hadde, verleydende tvolck van Samarien, segghende dat hy wat Groots was

10

nae den welcken sij alle hoorden vanden minsten totten meesten segghende. Dese is die cracht Godts diemen groot noemt.

11

Ende sij hoorden nae hem om dat hijse langhen tijt met sijnen toouerien verdwaest ghemaect hadde.

12

⁺Maer doen sij Philippo vanden rijck Gods vercondighende, ghelooft hadden, ende datter in den naem Iesu Christi ghedoopt worden mannen ende vrouwen,

+ C

13

doen heeft Simon selue oock ghelooft, ende als hy ghedoopt was soe hinc hy Philippus aen. Ende siende datter teekenen ende seer groote mirakelen ghedaen worden verbaest sijnde verwonderde hy hem seere.

14

+ Maer doen die Apostelen die te Ierusalem waren ghehoort hadden dat Samarien het woert Godts ontfanghen hadde, soe hebben sij tot hen ghesonden Petrum ende Iohannem.

15

Die welcke als sij ghecomen waren, hebben voer hen ghebeden dat sij den heylighen gheest souden ontfanghen.

16

Want die en was noch niet ghecomen in iemanden van dien. Maer sij waren alleen ghedoopt inden naem des Heeren Iesu.

17

⁺Doen leyden sij de handen op hen lieden, ende sij ontfinghen den heylighen gheest.

+ D

* 18

Ende doen Simon ghesien hadde, dat doer het oplegghen van der Apostelen handen den heylighen gheest ghegheuen worde, soe heeft hi hen ghelt gheboden,

19

segghende, Gheeft my oock dese macht op dat al die ghene, (wien ic die hant oplegghen sal) den heylighen gheest mach ontfanghen. Ende Petrus heeft tot hem gheseyt.

20

V ghelt sij met v ter verderffenisse, aenghesien dat ghi ghemeynt hebt dat die gaue Gods om ghelt te vercrijghen is.

21

Ghy en hebt gheen deel oft lot in dit woert, want v herte en is niet oprecht voer Godt.

22

Daer om doet penitencie van dese uwe archeyt, ende bidt Godt of v bijauontueren mocht vergheuen worden, dit ghedachte ws herten.

23

Want ick sie dat ghy sijt in die galle der bitterheyt ende int verbont der ongherechticheyt.

24

Ende Simon antwoerdende heeft gheseyt, Bidt ghy lieden voer my den Heere datter niet van desen dinghen die ghi gheseyt hebt, op my en come.

25

⁺Ende als dese voerwaer ghetuycht ende ghesproken hadden het woert des Heeren, soe sijn sij wederom ghegaen nae Ierusalem, ende in veel lantscappen der Samaritanen preecten sij deuangelie.

+ E

26

+ Maer een enghel des Heeren heeft tot Philippum ghesproken segghende, Staet op ende gaet teghen tsuyden totten wech die nederwaerts gaet van Ierusalem nae Gazam die daer woest is.

27

Ende opstaende is hi derwaerts ghegaen. Ende siet een man wt der Morianen lant een machtich ghesneden camerlinck van Candaces der morianen coninghinne, die ouer allen haerscatten was. Diewas ghecomen om te aenbidden in Ierusalem,

28

ende hy quam wederom sittende op sijnen waghen ende lesende Isaiam den Propheet.

29

Ende die gheest heeft tot Philippus gheseyt, Gaet toe ende voecht v by aen desen waghen.

30

Ende Philippus daer toe loopende heeft ghehoort dat hy las Isaiam den Propheet, ende hy heeft gheseyt, Meyndi oock dat ghy verstaet tghene dat ghi leest?

31

⁺Die welcke seyde, Ende hoe soude ict moghen verstaen, ten ware dat my iemant verclaerde? Ende hy heeft Philippum ghebeden, dat hy opclimmen wilde ende by hem sitten.

+ F

32

Ende die plaetse der scriftueren die hy las was dese. Als een scaep is hy ter doodinghen gheleyt, ende ghelijck een lam voer den ghenen diet sceert sonder stemme is, alsoe en heeft hi sijnen mont niet open ghedaen.

33

In ootmoedicheyt is sijn ordeel wech ghenomen. Wie sal sijn gheboerte wtspreken want sijn leuen sal vander eerden ghenomen worden?

34

Ende die ghesneden camerlinck antwoerdende Philippo heeft gheseyt, Ick bid v van wien seyt die propheet dit, van sij seluen, oft van iemant anders?

35

Ende Phiippus sijnen mont opendoende, ende beghinnende van dese scrifture, heeft hem Iesum vercondicht.

36

Ende als hy ouer wech reysden, soe sijn sij ghecomen tot een water, ⁺ende die ghesneden camerlinck heeft gheseyt, Siet daer is water, wie verbiedt my ghedoopt te worden?

+ G

37

Ende Philippus heeft gheseyt. Eest sake dat ghy wt gheheelder herten ghelooft, soe mach dat sijn. Ende hy antwoerdende heeft gheseyt. Ick ghelooue dat Iesus Christus is die sone Gods.

38

Ende hy heeft gheboden dat den waghen stille staen soude. Ende sij zijn beyde nederghegaen int water Philippus ende die ghesneden camerlinck, ende hi heeft hem ghedoopt.

39

Ende doen sij wten water ghecomen waren, soe heeft den gheest des Heeren Philippum wech ghenomen, ende die ghesneden camerlinck en heeft hem voerts niet meer ghesien. Maer hy reysde sijnen wech voerts hem verblijdende.

40

Ende Philippus is gheuonden in Azoten. Ende doergaende heeft hy deuangelie ghepreect allen den steden tot dat hy quam tot Cesarien.