Den gheheelen Bybel, Inhoudende het oude ende nieuwe Testament (Leuvense bijbel 1548)

* Dat .xx. Capittel.

+ 1

⁺ENde opden iersten dach vanden sabboth, soo is Marie Magdalene ghecomen des morghens vroech doent noch duyster was totten graue, ende sij heeft den steen ghesien vanden graue ghenomen.

+ A

2

Aldus is sij gheloopen, ende ghecomen tot Simon Petrus ende tot den anderen discipel den welcken Iesus liefhadde, ende sij seyt hen. Sij hebben den Heere wten graue wech ghenomen, ende wij en weten niet waer sij hem gheleydt hebben,

3

Hierom is Petrus wtghegaen ende die ander discipel, ende sij sijn ghecomen totten graue,

4

Ende sij twee liepen te samen, ende die ander discipel liep seerder dan Petrus, ende hy is dierste comen totten graue,

5

⁺Ende als hy hem nederghebuycht hadde, soo heeft hy die lijnen doecken daer sien ligghen, maer nochtans en is hy daer niet ingheghaen,

+ B

6

Aldus is Simon Petrus ghecomen hem volghende, ende hy is int graf ghegaen, ende hy heeft die lijnen doecken ghesien ligghen,

7

ende den sweet doeck die op sijn hooft gheweest hadde, niet by die lijnen doecken gheleyt, maer besonder ghewonden op een plaetse,

8

Aldus is doen die discipel daer oock in ghegaen, die voor comen was aen tgraf, ende hy heuet ghesien ende ghelooft,

9

want sij en wisten noch die scriftuere niet, dat hy moest vander doot verrijsen.

* 10

⁺Aldus sijn die discipelen wech ghegaen tot hen seluen.

+ C

+ 11

Maer Maria stont aent graf buyten weenende, Ende doen sij aldus weende soo heeft sij haer ghebuycht ende ghesien int graf,

12

ende sij heeft twee Enghelen ghesien in witte cleederen sittende, den eenen aent hooft ende den anderen aen die voeten, daer Iesus lichaem gheleydt

[p. *830]

hadde gheweest,

13

Die welcke seyden tot haer. Vrouwe waerom weendi? Sij seyt tot hen. Want sij hebben mijnen Heere wechghedraghen, ende ic en weet niet waer dat sij hem gheleyt hebben,

14

Ende doen sij dit gheseyt hadde, ⁺soo heeft sij haer omme ghekeert ende heeft Iesum ghesien staende, ende si en wist niet dat Iesus is,

+ D

15

Iesus seydt tot haer. Vrouwe waerom weendi? wien soecti? Sij meynende dat een houenier was seyt tot hem. Heere hebbe ghi hem wechghenomen, soo segghet my doch waer ghy hem gheleydt hebt, ende ick sal hem wech draghen,

16

Iesus seyde tot haer. Maria, Ende sij haer ommekeerende seyt tot hem. Rabboni (dwelck te segghen is Meester)

17

Iesus seyde haer. En wilt my niet raecken (want ick en ben noch niet opgheclommen tot mijnen vader) gaet henen tot mijnen broeders ende segt hen. Ick climme op tot mijnen vader ende uwen vader, mijnen Godt ende uwen Godt,

18

Maria Magdalene is ghecomen vercondighende den discipelen. Ick heb den Heere ghesien ende dese woorden heeft hy my gheseyt.

* + 19

⁺Aldus doent auont was op dien dach eenen vanden sabboth daghen, ende die doren ghesloten waren, daer die discipelen vergadert waren, om die vreese der Ioden, soo is Iesus ghecomen ende heeft ghestaen int midden, ende seyt hen. Vrede sij met v,

+ E

20

Ende als hy dit gheseyt hadde, soo heeft hy hen ghetoont die handen ende de sijde, Hierom sijn die discipelen blijde gheweest als sij den Heere ghesien hadden,

21

Aldus heeft hy hen wederom gheseyt. Vrede sij met v, Ghelijck die vader my ghesonden heeft alsoo sende ick v,

22

Als hy dit gheseyt hadde, soo heeft hy ingheblasen ende seyt tot hen. Ontfanct den heylighen gheest,

23

der welcker sonden ghy vergheuen sult die worden hen vergheuen, ende der welcker ghy houdt die sijn ghehouden.

* 24

+ ⁺Maer Thomas een vanden twaeluen die ghenaemt is Didimus, en was met hen niet doen Iesus quam,

+ F

25

Hierom hebben hem die ander discipelen gheseyt. Wij hebben den Heere ghesien, Maer hy heeft hen gheseyt. Ten sij dat ick in sijn handen sie die gaten der naghelen ende dat ick mijnen vingher steke in die plaetse der naghelen, ende mijn hant steke in sijn sijde soo en sal ict niet gheloouen,

26

Ende nae acht daghen soo waren sijn discipelen wederom binnen ende Thomas met hen, Iesus is ghecomen met gheslotender doren, ende hy heeft ghestaen int midden, ende gheseyt. ⁺Vrede sij met v,

+ G

27

Daer nae seyt hy tot Thomas. Steect uwen vingher hier inne, ende besiet mijn handen, ende brengt voorts v hant, ende steectse in mijn sijde, ende en wilt niet ongheloouich wesen, maer gheloouich,

28

Thomas heeft gheantwoort ende tot hem gheseyt. Mijn Heere, ende mijn God,

29

Iesus seyt hem Want ghi mi ghesien hebt Thomas daerom hebdy ghelooft, salich sijnse diet niet ghesien en hebben, ende ghelooft hebben,

30

Iesus heeft voorwaer noch veel ander teekenen ghedaen voor daenscijn van sijnen discipelen, die niet ghescreuen en sijn in desen boeck,

31

Maer dese sijn ghescreuen om dat ghy gheloouen soudt dat Iesus is Christus die sone Godts, ende op dat ghy gheloouende moecht het leuen hebben in sijnen name.