Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xviij. Capittel.

+ 1

⁺ENde hi seyde een parabele tot hen datmen altijts moet bidden ende niet ophouden seggende.

+ A

2

Daer was een richter in een stadt die Godt niet en vreesde, ende gheenen mensch en ontsach,

3

Ende daer was een weduwe in die stadt ende sij quam tot hem seggende. Doet my recht van mijnen wederpartijder,

4

Ende hy en wildes niet doen veel tijts, Maer nae desen soo heeft hi gheseyt in sij seluen. Al eest dat ic God niet en vreese noch die menschen niet en ontsie, nochtans want dese weduwe my moeyelijck is,

5

soo sal ick haer recht doen dat sij ten laetsten comende my niet te nae en spreke,

6

Ende die Heere heeft gheseyt. Hoort wat die rechter der boosheyt seyt.

7

En sal Godt dan gheen wrake doen van sijnen wtuercorenen tot hem roepende nacht ende dach, ende sal hy patiencie in die hebben?

8

⁺Ic segghe v dat hi gheringhe wrake doen sal, Maer nhchtans die sone des menschen comende meyndi dat hy ghelooue op die eerde vinden sal?

+ B

* + 9

Ende hi heeft gheseyt tot die sommighe die in hen seluen betrouwen hadden als rechtuerdighe, ende versmaedden die andere, dese parabele.

10

Twee menschen sijn gheclommen totten tempel om te bidden, die eene was een Phariseus, ende die andere een Publicaen,

11

Die Phariseus staende badt dese woorden by sij seluen. Godt ic dancke v, dat ick niet en ben ghelijck die ander menschen roouers, onrechtuerdighe, ouerspeelders, als oock is desen Publicaen,

12

Ick vaste tweemael in die weke, ic gheue thiende van alle dat ick besitte,

13

Ende die Publicaen van verre staende en wilde ooc sijn ooghen niet op heffen ten hemelwaerts, ⁺maer hy sloech sijn borst segghende. Godt weest mijns sondaers ghenadich,

+ C

14

Ick segghe v, dese is gherechtuerdicht nedergheghaen in sijn huys meer dan die, want alle die hem verheft sal vernedert worden, ende die hem verootmoedicht sal verheuen worden.

* 15

Ende sij brachten tot hem oock cleyn kinderen dat hy die raken soude, Dwelck als die discipelen saghen, soo hebben sij die ghestraft,

16

Maer Iesus hen tsamen roepende heeft gheseyt. Laet die kinderen tot my comen, ende en wiltse niet verbieden want alsulcken behoort het rijc Gods toe,

17

Voorwaer ick segghe v, soo wie dat rijck Godts niet en ontfanct als een kint, die en sal daer niet inne gaen,

18

Ende een prince heeft hem ghevraecht seggende. Goede meester wat doende sal ick deewich leuen besitten?

19

Ende Iesus heeft tot hem gheseyt. Waerom noemdi mi goet? niemant en is goet dan alleen God,

20

weet ghi die gheboden, Ghi en sult niet dootslaen, ⁺Ghi en sult gheen ouerspel doen, ghi en sult gheen dieuerie doen, ghi en sult gheen valsch ghetuyghenis gheuen, Eert v vader ende v moeder?

+ D

21

Die welcke heeft gheseyt. Dese heb ic al ghehou-

[p. *809]

den van mijnder ioncheyt,

22

Dwelc als Iesus ghehoort hadde soo seyde hy tot hem. Noch een dinc ghebreect v, Alle dat ghy hebt vercoopt, ende gheuet den armen, ende ghi sult eenen scadt inden hemel hebben, ende coemt volcht my,

23

Als hy dese woorden ghehoort hadde, soo is hy bedroeft gheweest, want hy was seer rijck.

24

Ende Iesus siende hem droeuich gheworden heeft gheseyt. ⁺Hoe swaerlijc sullen sij die ghelt hebben int rijc Gods comen,

+ E

25

Want tis lichter eenen kemel door die ooghe van eender naelden te gaen, dan eenen rijcken te gaen int rijck Gods,

26

Ende diet hoorden hebben gheseyt. Ende wie mach dan salich worden?

27

Hy heeft hen gheseyt. Die dinghen die onmoghelijc sijn by die menschen die sijn moghelijc by Gode,

28

Ende Petrus heeft gheseyt. Siet wij hebbent al verlaten ende sijn v nae gheuolcht,

29

Die welcke heeft hen gheseyt. Voorwaer ick segghe v lieden. Niemant en isser die verlaten heeft huys, oft vader, oft broeders, oft huysvrouwe, oft kinderen, om trijck Godts,

30

ende dat die niet en ontfangt veel meer in deser tijt, ende in die nacomende werelt het eewich leuen.

31

+ ⁺Ende Iesus heeft die twaelue tot hem ghenomen ende hen gheseyt. Siet wij gaen opwaerts na Ierusalem ende alle die dinghen sullen volbracht worden die gescreuen sijn door die propheten vanden sone des menschen,

+ F

32

want hy sal den Heydenen gheleuert worden, ende bespot, ende ghegheeselt, ende bespoghen,

33

ende nae dat sij hem ghegheesselt sullen hebben, soo sullen sij hem dooden, ende ten derden daghe sal hy verrijsen,

34

Ende sij en hebben van desen niet verstaen, ende dit woort was verborghen voor hen, ende sij en verstonden niet datter gheseyt worde,

35

Ende tis ghesciet doen hy quam by Iericho datter een blende sadt neffens den wech om aelmoesse biddende

36

Ende doen hy hoorde die scare voor by gaende so vraechde hy wat dat ware,

37

Ende sij hebben hem gheseydt dat Iesus van Nazareth voorby ghinc,

38

⁺Ende hy heeft gheroepen segghende. Iesu Dauids sone ontfermt v mijnder,

+ G

39

Ende die voorbi ghinghen straften hem dat hi swijghen soude, maer hy riep noch veel te meer. Dauids sone ontfermt v mijnder,

40

Ende Iesus stil staende heeft gheboden datmen dien tot hem brenghen soude, Ende doen hy nae by comen was, soo vraechde hi hem segghende.

41

Wat wildi dat ick voor v doe? Ende hi seyde. Heere dat ick sien mach,

42

Ende Iesus heeft tot hem gheseyt Siet v ghelooue heeft v ghesont ghemaect,

43

Ende ter stont heeft hi ghesien, ende hi volchde hem, grootelijc Godt louende, Ende als alle tvolck dit ghesien heeft soo heuet Gode lof ghegheuen.