Den gheheelen Bybel, Inhoudende het oude ende nieuwe Testament (Leuvense bijbel 1548)

* Dat .xvi. Capittel.

+ 1

⁺ENde hy seyde tot sijnen discipelen. Daer was een rijck mensch die eenen hoofmeester hadde, ende desen is by hem ouerghedraghen gheweest als oft hi sijn goet verquist hadde,

+ A

2

Ende hy heeft hem gheroepen ende tot hem gheseyt. Wat hoor ick dit van v? doet rekeninghe van uwer hoofmeesterscap want ghi en sult voortaen niet meer moghen hoofmeester wesen,

3

Ende die hoofmeester heeft gheseyt in sij seluen, Wat sal ick doen want mijn heere mi die hoofmeesterscap afneemt? Ic en can niet grauen, ic scaem mi broot te bidden,

4

Ick weet wat ick doen sal, op dat sij (wanneer ick afghestelt sal sijn van die hoofmeesterscap) my ontfanghen in hen huysen,

5

Als hy dan alle sijns heeren sculdenaers gheroepen hadde, soo heeft hy den iersten gheseydt. Hoe vele sijdi mijnen heere sculdich?

6

⁺Ende die heeft gheseyt. Hondert vaten olie Ende hi heeft dien gheseyt. Neemt v hantscrift ende sidt, haestelijck scrijft vijftich,

+ B

7

Daer nae heeft hi den anderen geseyt. Maer ghi hoe veel sijdi sculdich? Die welcke heeft gheseyt. Hondert choren maten tarwe, Hy seyde hem. Neemt uwen brief ende scrijft tactentich,

8

Ende die heere heeft den hoofmeester der boosheyt ghepresen dat hy voorsienlijck ghedaen hadde, want die kinderen deser werelt sijn voorsienigher dan die kinderen des lichts in hen gheslachte,

9

Ende ick segghe v lieden. Maect voor v vrienden van den Mammon der ongherechticheyt op dat sij v ontfanghen (als ghi vergaen sult) in die eewighe tabernakelen.

* 10

+ ⁺Die ghetrouwe is int minste, die is int meeste oock ghetrouwe, ende die int cleyne onrechtuerdich is, die is int meeste ooc onrechtuerdich,

+ C

11

En hebdi dan inden onrechtuerdighen Mammon niet ghetrou gheweest, dat warachtich is wie sal v dat betrouwen?

12

Ende eest dat ghi in eens anders goet niet en hebt ghetrou gheweest, wie sal v gheuen dat uwe is?

13

Gheen knecht en mach twee heeren dienen, want hi sal den eenen haten ende den anderen lief hebben, oft hi sal den eenen by blijuen, ende den anderen versmaden, Ghi en moecht Gode niet dienen ende den Mammon,

14

Ende alle dit hoorden die Phariseen die ghierich waren, ⁺ende sij beghecten hem,

+ D

15

Ende hi seyde tot hen. Ghi sijt die ghene die v seluen rechtuerdich maect voor die menschen, Maer God kent v herten, want dat den menschen hooghe is, dat is een afgrijselijcheyt voor God.

* 16

Die wet ende die propheten sijn tot Iohannes toe want van dien tijt voorts wort het rijck Gods vercondicht ende een ieghelijc doet daer ghewelt op,

17

Maer het is lichter hemel ende eerde te verghaen, dan vander wet een stipken te vallen.

18

Alle die sijn huysvrouwe verlaet ende een ander trouwet die doet ouerspel, ende die de verlaten van haren man trouwet, die doet ouerspel.

19

+ ⁺Daer was een rijck mensch ende hi worde ghecleedt met purpur, ende sijn lijnwaet, ende hi adt daghelijcs seer wellustelijck,

+ E

20

Ende daer was een brootbidder Lazarus ghenaemt, die aen sijn doere lach vol sweren,

21

begheerende versaet te worden vanden brocskens die van des rijcs mans tafele vielen, maer oock soo quamen die honden ende lecten sijn sweren,

22

Ende tis ghesciet dat die brootbiddere sterf, ende ghedraghen worde van die enghelen in Abrahams schoodt. Oock soo is die rijcke ghestoruen ende hi is begrauen in die helle,

23

Ende sijn ooghen opheffende als hi in die tormenten was, heeft hi Abraham ghesien van verre, ende Lazarum in sijnen schoodt,

24

⁺Ende hi heeft roepende gheseydt. Vader Abraham ontfermt v mijnder, ende sendt Lazarum dat hi duyterste van sijnen vingher steke int water, dat hi mijn tonghe mach vercoelen, want ick worde hier ghepijnicht in dese vlamme,

+ F

25

Ende Abraham heeft tot hem gheseyt. Sone weest ghedachtich dat ghi goet ontfanghen hebt in v leuen, ende Lazarus desghelijcks quaet, Ende nv soo wert dese vertroost, maer ghi wort ghepijnicht,

26

ende bouen alle dese soo is tusschen ons ende v lieden een groot ondersceytsel vast ghestelt, alsoo dat die ghene die van hier willen ouercomen tot v lieden, dat niet en moghen doen noch van daer tot hier ouer comen,

27

Ende hy seyde. ⁺Soo bidde ick v dan vader dat ghi hem sendt in mijns vaders huys,

+ G

28

want ick hebbe vijf broeders, op dat hy hen mach ghetuyghen dat sij oock niet en comen in dese plaetsen der tormenten,

29

Ende Abraham heeft tot hem gheseyt. Sij hebben Moysen ende die propheten, laetse die hooren,

30

Ende hy heeft gheseydt. Neen vader Abraham, maer eest sake datter iemant vanden dooden tot hen gaet, soo sullen sij penitencie doen,

31

Ende hi heeft tot hem gheseyt. Eest dat sij Moysen ende die propheten niet en hooren, soo en sullen sij ooc niet gheloouen al waert datter iemant vander doot verrese.