Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xiij. Capittel.

+ 1

⁺ENde opden seluen tijt waren daer sommighe teghenwoordich, bootscappende hem vanden Galileusschen der welcker bloet Pilatus hadde ghemengt met haren sacrificien,

+ A

2

Ende hy antwoordende heeft tot hen gheseydt. Meyndi dat dese Galileussche bouen alle die Galileusschen sondaers waren om dat sij sulcke dinghen gheleden hebben?

3

Neen sij, seg ick v, Maer ten sij dat ghi penitencie hebt, soo suldy allegader desghelijcs vergaen,

4

Ghelijck die achtiene op die welcke gheuallen is den torre van Siloe ende heeftse ghedoodt, meyndi dat die sculdich waren meer dan alle die menschen die te Ierusalem woonden?

5

Neen sij segghe ick v, maer eest dat ghy gheen penitencie en hebt, ⁺soo suldi al te samen desghelijcks vergaen.

+ B

* 6

+ Maer hy seyde dese ghelijckenisse. Een man hadde eenen vijgheboom gheplant in sijnen wijnghaert, ende hy is ghecomen soeckende vruchten in haer, ende hy en heefter gheen gheuonden,

7

Ende hy heeft gheseyt totten wijngaerder. Siet het sijn nv drij iaren dat ick come soeckende vruchten op desen vijgheboom, ende ick en vinde gheen, Daerom houwet dien af, want waer toe beslaet hy die eerde?

8

Maer die antwoordende heeft tot hem gheseyt. Heere laet dien staen noch dit iaer, tot dat ick hem omgrauen hebbe, ende mest daer aen gheleyt,

9

Oft hy emmer oock eenighe vrucht voorts brachte, maer en is des niet, soo suldy dien in toecomende tijde afhouwen,

10

⁺Ende hy was leerende in hen Sinagoge op die sabboth daghen.

+ C

11

Ende siet daer was een vrouwe die eenen gheest der siecten hadde achthien iaren lanck, ende sij was ghecromt, ende sij en mocht gheensins opwaerts sien,

12

Die welcke als Iesus ghesien heeft, soo heeft hi haer tot hem gheroepen, ende tot haer gheseyt. Vrouwe ghy sijt verlaten van v siecte,

13

Ende hy heeft op haer sijn handen gheleydt, ende ter stont werde sij opghericht, ende sij glorificeerde Godt,

14

Ende die ouerste der Sinagogen antwoordende (verbolghen sijnde om dat Iesus opden sabboth ghenesen hadde) heeft gheseyt totter scaren. Daer sijn ses daghen in die welcke men wercken moet, aldus coemt op dese daghen ende laet v ghesont maken, ⁺ende niet opden sabbothdach,

+ D

15

maer die Heere tot hem antwoordende heeft gheseyt. Ghi hypocrijt en ontbint een ieghelijc van v lieden niet sijnen osse oft ezel vander cribben, ende leytse om te wateren?

16

Ende dese Abrahams dochter die welcke Satanas ghebonden heeft siet nv achthien iaren lanc, en moestmen die niet ontbinden van desen bant opden sabbothdach?

17

Ende doen hy dese woorden seyde, soo werden bescaemt alle sijn vianden, ende alle tvolc verblijde hem van alle die dinghen die glorioselijck van hem ghedaen worden.

+ 18

+ Daerom seyde hy. Wien is trijck Gods ghelijck oft wien sal ick dat ghelijcken?

19

Het is ghelijc den mostaert sade, het welc een man ghenomen hebbende in sijnen hof ghesaeyt heeft, ⁺ende het is ghewassen ende tis gheworden tot eenen grooten boom, ende die voghelen des hemels hebben in sijn tacken gherust,

+ E

20

Ende wederom heeft hy gheseyt. Welcken dinghe sal ick trijc Gods ghelijcken.

21

Het is ghelijc den heue welc een vrouwe ghenomen heeft ende gheborghen in drij maten meels tot dat heel gheheeft worde,

22

Ende hy ghinc door die steden ende casteelen leerende, ende reysende nae Ierusalem.

* 23

Ende een seyde hem. Heere sijnder oock weynich die salich worden?

24

Ende hy heeft tot hen gheseyt. Arbeyt te strijde om in te gaen door die enghe poorte, want vele (segghe ick v) sullender begheren in te gaen, ende sij en sullen niet moghen,

25

Maer als die vader des huysgesins sal inghegaen sijn, ende hy die doere sal ghesloten hebben, ende ghy sult beghinnen buyten te staen, ende aen die doere te cloppen segghende. Heere doet ons open, ⁺ende hy antwoordende v lieden segghen sal. Ic en kenne v niet van waer ghi sijt,

+ F

26

dan suldi beghinnen te segghen. Wi hebben voor v gheten ende ghedroncken, ende in ons straten hebdi gheleert

27

Ende hi sal v lieden segghen. Ic en kenne v niet van waer ghi sijt, gaet alle van my ghi werckers der boosheyt,

28

Daer sal weeninghe ende crijsselinghe van tanden sijn, Als ghi sult sien Abraham, ende Isaac, ende Iacob, ende alle die propheten int rijc Gods, ende v daer buyten ghedreuen te worden,

29

Ende daer salder comen van oost, ende van west, van noorden ende van suyden, ende si sullen ter tafelen sitten int rijc Gods,

30

Ende siet sij sijn die laetste die dierste sullen sijn, ende si sijn dierste, die de laetste sijn sullen.

31

Op dien seluen dach sijn tot hem ghecomen sommighe vanden Phariseen segghende tot hem. Gaet wt ende reyst van hier, want Herodes wilt v dooden,

32

Ende hy seyde tot hen. Gaet henen ende segt dien vos. Siet ick worpe duyuels wt, ⁺ende ick wercke ghesontheden heden ende morghen, ende ten derden daghe neem ick een eynde,

+ G

33

Maer nochtans moet ick noch heden ende morghen ende den nauolghenden dach wandelen, want ten mach niet wesen dat een propheet erghers soude verdaen worden dan in Ierusalem,

34

Ierusalem Iherusalem, die de propheten doodt, ende steent die ghene die tot v ghesonden worden, Hoe dicmael heb ick v kinderen willen vergaderen, als eenen voghel sijnen nest onder sijn vederen, ende ghy en hebbes niet gewilt?

35

Siet v huys sal v woest ghelaten worden, Maer ick segghe v lieden, dat ghy my niet sien en sult, tot dat comen sal als ghy segghen sult. Ghebenedijt is hi die daer coemt inden naem des Heeren.