Den gheheelen Bybel, Inhoudende het oude ende nieuwe Testament (Leuvense bijbel 1548)

(2008)–Anoniem Leuvens bijbel 1548– rechtenstatus



* Dat .iij. Capittel.
+ 1 Ga naar margenoot+INt vijfthienste iaer des keyserijcs van Tiberius den keyser als Pontius Pilatus regeerde dlant van Iudeen, ende Herodes was een vanden vier vorsten regerende Galileen, ende doen Philippus sijn broeder was een van den vier vorsten regerende Itureen, ende dlantscap vanden Trachonitiden, ende Lysanias was een vanden vier vorsten regerende Abilinen,
2 onder die princen der priesteren Anna, ende Caipha, is het woert des Heeren ghesciedt op Iohannem Zacharias sone, in die woestijne.
3 Ende hy is ghecomen in alle dlantscap der Iordanen, prekende het doopsel der penitencien, tot verghiffenisse der sonden,
4 ghelijcker ghescreuen is int boeck der woerden van Isaias den prophete. Een stemme des roepende in die woestijne, Bereyt den wech des Heeren, maect recht sijn paden,
5 alle valleye sal gheuult worden, ende alle berch ende hueuele sal vernedert worden, ende dat crom is sal recht worden ende die oneffen weghen sullen effen worden,
6 ende alle vleesch sal sien die salicheyt Godts.
* 7 + Ga naar margenoot+Daerom heeft hy gheseyt tot die scaren die wtghinghen om van hem ghedoopt te worden. Ghi ghebroetsele der aderen, wie heeft v lieden ghewesen te vlieden van die toecomende gramscap?
8 Daer om doet weerdighe vruchten der penitencien ende en wilt niet beghinnen te segghen, wy hebben tot eenen vader Abraham. Want ick segghe v, dat Godt machtich is van desen steenen te verwecken Abrahams kinderen.
9 Want dat bijl is nu aen die wortel der boomen ghestelt. Daer om alle boom gheen goede vrucht voertbrenghende sal wtghehouwen worden, ende int vier gheworpen.
10 Ende die scaren vraechden hem segghende, Wat sullen wy dan doen?
11 Ende hy antwoerdende seyde hen, Soe wie twee rocken heeft die gheue den eenen die gheenen en heeft, ende wie spijse heeft die doe desghelijcs.
12 Ende die publicanen sijn oock ghecomen om ghedoopt te worden, ende sij hebben tot hem gheseyt, Meester wat sullen wy doen?
13 Ende hy heeft gheseyt tot hen, En doet niet meer dan v lieden ghestelt is.
14 Ende die crijchslieden vraechden hem ooc segghende, Wat sullen wy ooc doen? Ende hy heeft hen gheseyt, En doet niemant ouerlast, noch en doet gheen onrecht, ende weest te vreden met uwe soudye.
15 Ende als dat volck meynde, ende sij alle dachten in hen herten van Iohannes, oft hy by
[pagina *795]
auontueren soude Christus wesen,
16 soe heeft Iohannes gheantwoert segghende tot hen allen, Ick doope v voerwaer met water, maer daer sal een comen stercker dan ick, van wiens schoenen ick niet weerdich en ben den riem te ontbinden, dese sal v lieden doopen met den heyleghen gheest, ende met den vier.
17 Ga naar margenoot+Wiens wan in sijn hant is, ende hy sal sijnen dorschvloer suyeren, ende sijn tarwe vergaderen in sijn schuere, maer dat caf sal hy verbranden met een omblusschelijck vier.
18 Ende veel ander dinghen vermanende vercondichde hy den volcke.
19 Maer Herodes een vanden vier vorsten doen hy van hem ghestraeft worde, van Herodias sijns broeders huysvrouwe, ende van alle den quaden die Herodes ghedaen hadde,
20 soe heeft hy dit ooc bouen alle daer toe ghedaen, ende heeft Iohannem ghesloten in den kerker.
21 Ende tes ghesciet als alle tvolck ghedoopt worde, ende doen Iesus oock ghedoopt was ende biddende was, dat den hemel gheopent is
22 ende den heyleghen gheest is nederghedaelt in een lichamelijcke ghedaente als een duyue in hem, ende een stemme is van den hemel ghecomen. Ghi sijt mijn beminde sone, in v heeft my behaghet.
23 Ende hy Iesus was beghinnende die ouderdom by nae van dertich iaren (alsmen meynde) die sone van Ioseph die gheweest is een sone Heli,
24 Die gheweest is Matthats Die gheweest is Leui Die gheweest is Melchi Die gheweest is Ianne Die gheweest is Iosephs
25 Die gheweest is Matthathie Die gheweest is Amos Die gheweest is Naums Die gheweest is Hesli Die gheweest is Nagge
26 Die gheweest is Mahaths Die gheweest is Mathatie Die gheweest is Semei Die gheweest is Iosephs Die gheweest is Iuda
27 Die gheweest is Iohanna Die gheweest is Resa Die ghweest is Zorobabels Die gheweest is Salathiels Die gheweest is Neri
28 Die gheweest is Melchi Die gheweest is Addi Die gheweest is Cosams Die gheweest is Elmadans Die gheweest is Hers
29 Die gheweest is Iesu Die gheweest is Eliezers Die gheweest is Iorims Die gheweest is Matthats Die gheweest is Leui
30 Die gheweest is Simeons Die gheweest is Iuda Die gheweest is Iosephs Die gheweest is Iona Die gheweest is Eliacims
31 Die gheweest is Melcha Die gheweets is Menna Die gheweest is Matthatha Die gheweest is Nathans Die gheweets is Dauids
32 Die gheweest is Iesse Die gheweest is Obeds Die gheweest is Booz Die gheweest is Salmons Die gheweest is Naassons
33 Die gheweest is Aminadabs Die gheweest is Arams Die gheweest is Esrons Die gheweest is Phares Die gheweest is Iude
34 Die gheweest is Iacobs Die gheweest is Isaacs Die gheweest is Abrahe Die gheweest is Thare Die gheweest is Nachors
35 Die gheweest is Sarugs Die gheweest is Ragau Die gheweest is Phalegs Die gheweest is Hebers Die gheweest is Sale
36 Die gheweest is Cainans Die gheweest is Arpharads Die gheweest is Sem Die gheweest is Noe Die gheweest is Lamechs
37 Die gheweest is Mathusale Die gheweest is Henochs Die gheweest is Iareds Die gheweest is Malaleels Die gheweest is Cainans
38 Die gheweest is Henos Die gheweest is Seths Die gheweest is Adams Die gheweest is Gods.	margenoot+ A margenoot+ B margenoot+ D

Vorige Volgende

* Dat .iij. Capittel.

+ 1

2

3

4

5

6

* 7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

Over het gehele werk

auteurs