Den gheheelen Bybel, Inhoudende het oude ende nieuwe Testament (Leuvense bijbel 1548)

* Dat .xi. Capittel.

1

⁺ENde het is ghesciet nae dat Iesus voleynt hadde ghebiedende sijnen discipulen, dat hy voerts is doer ghegaen van daer, om dat hy preken ende leeren soude in hen steden.

+ A

§ 2

Maer als Iohannes in die banden ghehoort hadde Christus wercken, sendende twee van sijnen discipulenheeft hy hem gheseyt, ,

3

Sijt ghi die comen sal, oft verwachten wy eenen anderen?

4

Ende Iesus antwoerdende heeft hen gheantwoert, Gaet henen bootscapt Iohanni wederom tghene dat ghy ghehoort ende ghesien hebt,

5

Die blinde sien, die crepele wandelen, die melaetsche worden ghesuyuert, die dooue hooren, die doode verrijsen, den armen wort het Euangelie vercondicht,

6

ende salich is hy die niet verarghert en wort in my.

7

Ende als sij wech ghinghen begonste Iesus tot die scaren te segghen van Iohannes. Wat sijdy wt ghegaen te sien in die woestijne? een riet metten winde beroert?

8

Maer wat sijdi wt gheghaen te sien? eenen mensch die met saechten cleederen ghecleedt is? Siet die met saechten cleederen ghecleedt sijn die sijn in der coninghen huysen.

9

Maer wat sijdi wt ghegaen te sien? eenen Propheet? Iae ick segghe v ooc meer dan eenen propheet.

10

⁺Want dese is die ghene daer af ghescreuen is, Siet ick seynde mijnen Enghel voor v aensicht, die uwen wech bereyden sal voor v.

+ B

* § 11

Voerwaer ick segghe v, daer en is gheen meerder opghestaen onder die kinderen der vrouwen, dan Iohannes die dooper, maer die die minste is int rijck der hemelen is meerder dan hy.

12

Ende van die daghen Iohannis des doopers tot nu toe, soe lijdt het rijck der hemelen ghewelt, ende die gheweldighe nemen dat gheweldelijck.

13

Want alle die Propheten ende die wet tot Iohannes toe, hebben ghepropheteert,

14

ende eest dat ghijt gheloouen wilt, hy is Elias die comen sal.

15

Die ooren heeft om te hooren die hoore.

* 16

Wien sal ick dit gheslachte verghelijcken? Het is ghelijck den kinderen sittende op die merct,

17

die tot haers ghelijcke roepende segghen, Wy hebben v ghesonghen ende ghy en hebt niet ghespronghen, wi hebben v claghelijcken sanck ghesonghen, ende ghy en hebt niet ghescreyt.

18

Want Iohannes is ghecomen, noch etende, noch drinckende, ende sij segghen, Hy heeft den duyuel binnen.

19

⁺Die sone des menschen is ghecomende, etende ende drinckende, ende sij segghen, Siet den brasser, ende den wijn suyper, der Publicanen ende sondaren vrient. Ende die wijsheyt is gherechtuerdicht van haren kinderen.

+ C

§ 20

Doen begonste hy te verwijten den steden waer in dat veel sijnder mirakelen ghedaen sijn, om dat sij gheen penitencie ghedaen en hadden.

21

Wee v Corozain, wee v Bethsaida, want waren in Tyro ende Sydon die mirakelen ghedaen die in v ghedaen sijn, sij souden hier voermaels in een hairen cleedt ende in dasschen penitentie ghedaen hebben.

22

Maer nochtans ick segghe v, Tyro eu Sydon sal verdraghelijcker gheschieden in den dach des ordeels, dan v lieden.

23

Ende ghy Capharnaum suldi totten hemel verheuen worden? tot inder hellen suldi nederdalen. Want haddi in die Sodomiten die mirakelen ghedaen gheweest die in v ghedaen sijn, sij souden by auontueren ghebleuen hebben tot op desen dach.

24

Maer nochtans ick segghe v, dat den lande der Sodomiten verdraghelijcker ghescieden sal

[p. *765]

in den dach des ordeels dan v.

* 25

+ Op dien tijt heeft Iesus antwoerdende gheseyt, Ick belijde v vader Heere des hemels ende der aerden, dat ghy dese dinghen verborghen hebt voor die wijse ende voersienighe, ende die gheopenbaert den cleynen kinderen,

26

Iae voerwaer vader. Want het heeft aldus behaghelijck gheweest voer v.

27

Alle dinghen sijn my ghegheuen van mijnen vader. Ende niemant en kent den sone dan die vader, noch den vader en kent niemant dan die sone, ende dien die sone dat wilt openbaren.

28

Coemt tot my alle die arbeydet ende belast sijt, ende ick sal v vermaken,

29

Neempt mijn iock op v, ende leert van my dat ick saechtmoedich ben ende ootmoedich van herten, ende ghy sult ruste vinden uwe zielen,

30

want mijn iock is suet, ende mijnen last is licht.