Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .iij. Capittel.

1

⁺ENde die Heere heeft ghesproken tot my. Gaet noch, hebt lief een vrouwe die bemint is van eenen boeleerder ende een ouerspeelstere ghelijck die Heere bemint die kinderen van Israel. Ende sij sien tot vreemde goden, ende sij beminnen die flesschen der wijndruyuen.

+ A

2

Ende ick hebse voor my ghegrauen om vijfthien silueren penninghen ende om een chorus mate ghersten, ende om een half chorus mate ghersten.

3

Ende ick heb tot haer gheseyt. Ghy sult my veel daghen verwachten, ghy en sult gheen oncuyscheyt doen, ⁺ende ghy en sult gheens mans zijn maer ick sal v ooc verbeyden,

+ B

4

want die kinderen van Israel sullen veel daghen sitten sonder coninck ende sonder prince, ende sonder sacrificie, ende sonder outaer, ende sonder Ephod, ende sonder Theraphim,

5

Ende hier nae sullen die kinderen van Israel weder keeren, ende soecken den Heere haren Godt, ende Dauid haren coninck, ende sij sullen vreesen totten Heere, ende tot sijn goet int wterste der daghen.