Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xl. Capittel.

1

⁺INt vijuentwintichste iaer van onser oueruoeringhen, int beghinsel des iaers, opden thiensten dach der maent, int veerthienste iaer na-[afbeelding]dat die stadt gheslaghen was, in desen seluen dach is op my gheworden die hant des Heeren, ende hy heeft my daer ghebracht.

+ A

2

In Godts visioen heeft hi my ghebracht int lant van Israel, ende heeft my ghelaten op eenen wtermaten seer hooghen berch, waer op was ghelijck een ghestichte van eender stadt streckende suytwaert.

3

Ende hy heeft my daer in gheleyt. Ende siet een man wiens ghedaente was als die ghedaente des metaels, ende een lijnen coordeken was in zijn hant, ende een meet riet was in zijn hant, ende hi stont in die poorte.

4

Ende die selue man heeft tot my ghesproken Sone des menschen siet met uwen ooghen ende hoort met uwen ooren, ende stelt v herte tot alle die dinghen die ick v toonen sal, want om datment v thoonen soude daerom sijdi hier ghebracht, vercondicht al dat ghy siet den huyse van Israel.

5

Ende siet daer was eenen muer van buyten rontsomme het huys van alle sijden, ende in des mans hant was een meet riet van ses cubitus ende een palme, ende hy heeft die breetheyt van dat ghestichte ghemeten met een riet, ⁺ende die hoocheyt ooc met een riet.

+ B

6

Ende hy is ghecomen tot die poorte die teghen ouer den oosten wech sach, ende hy is opgheclommen op haer trappen, ende heeft den dorpel vander poorten ghemeten met een riet die breydde, dat is den eenen dorpel met een riet in die breydde.

7

Ende die slaepcamer met een riet in die lengde, ende een riet in die breydde, ende tusschen die slaepcameren vijf cubitus,

8

ende den dorpel der poorten, by dat portael vander poorten van binnen, met een riet.

9

Ende hi heeft dat portael der poorten ghemeten van acht cubitus, ende sijnen voor vorst tot twee cubitus, maer het portael der poorten was binnen.

10

Voorts waren die slaepcameren vander poorten aenden oostwech drij aen dese sijde, ende drij aen dander sijde, die drij hadden een mate ende die voor vorsten van buyten hadden een mate aen beyde die sijden.

11

Ende hi heeft ghemeten die breetheyt van den dorpel der poorten, van thien cubitus, ende die lengde der poorten derthien cubitus.

12

Ende den wtersten cant voor die slaepcameren van eenen cubitus, ende eenen cubitus was deynde van beyde die sijden maer die slaepcameren waren van ses cubitus aen dese sijde ende aen dander sijde.

13

Ende hy heeft die poorte ghemeten van tdac der slaepcameren tot haer dack toe, ⁺die breedde van vijuentwintich cubitus, doere teghen doere.

+ C

14

Ende hi heeft die voor vorsten ghemaect tot tsestich cubitus, ende aenden voorvorst, dat voorhoff der poorten van allen sijden int ronde.

15

Ende voor daensicht der poorten die strecte tot daensicht des portaels van die binnenste poorte vijftich cubitus.

16

Ende cromme

[p. *666]

vinsteren in die slaepcameren ende in hen voorvorsten die binnen die poorte waren van alle siden rontsomme, desghelijcs waren oock in die portalen vinsteren int ronde van binnen, ende voor die voorvorsten was een scilderie van palmboomen.

17

Ende hy heeft my wtgheleydt tot dat buytenste voorhoff, ende siet daer waren scadtcameren ende het pauiment beleyt met steenen int voorhof rontsomme, dertich scadtcameren rontsomme van dat pauiment.

18

Ende het pauiment inden voorvorst der poorten nae die lengde der poorten was beneden.

19

Ende hy heeft die breydde ghemeten van daensicht der ondersten poorten tot den voorvorst des binnenste voorhofs, van buyten hondert cubitus oostwaerts ende noortwaerts.

20

Ende die poorte die nae den wech van noorden des wterste voorhofs sach heeft hy oock ghemeten soo wel in die lengde als in breydde.

21

Ende haer slaepcamers drij aen dese sijde ende drij aen dander sijde, ende haren voorvorst, ende haer poortael na die mate der ierster poorten, haer lengde van vijftich cubitus, ende die wijdde van vijuentwintich cubitus.

22

⁺Maer haer vensteren ende dat poortael, ende die ghesneden wercken waren nae die mate der poorten die oostwaerts sach, ende haren opganck was van seuen trappen, ende een poortael voor haer.

+ D

23

Ende die poorte van dat binnenste voorhoff teghen die poorte vant noorden ende vanden oosten, ende hy heeft ghemeten van poorte tot poorte hondert cubitus.

24

Ende hy heeft my wt gheleydt tot den suyden wech, ende siet die poorte die suydtwaerts sach, ende hi heeft haeren voor vorst ende haer poortael ghemeten nae die voorseyde maten,

25

Ende haer vinsteren, ende haer poortalen rontsomme ghelijck die ander vinsteren van vijftich cubitus in die lengde, ende in die breydde van vijuentwintich cubitus.

26

Ende met seuen trappen climdemen tot haer ende het portael was voor haer doere, ende daer waren wtghesneden palmboomen een aen deen sijde ende een aen dander sijde, in haren voorvorst.

27

Ende die poorte van dat binnenste voorhof inden suyden wech ende hi heeft ghemeten van poorte tot poorte inden suyden wech, hondert cubitus.

28

Ende hy heeft my ingheleydt tot dat binnenste voorhoff aen die suydtpoorte, ende hy heeft die poorte ghemeten nae die voorseyde maten.

29

Haer slaepcamer ende haeren voorvorst, ende haer portael met die selue maten, ende haer vensteren, ⁺ende haer portael int ronde vijftich cubitus van lengden, ende vijuentwintich cubitus van breydden.

+ E

30

Ende een poortael int ronde was in die lengde van vijuentwintich cubitus, ende van breydden vijf cubitus.

31

Ende sijn poortael aen dat buytenste voorhoff, ende sijn palmboomen in den voorvorst, ende daer waren acht trappen door die welcke men opclam door haer.

32

Ende hy heeft my gheleydt in dat binnenste voorhoff door den oostwech, ende hy heeft die poorten ghemeten nae die voorseyde maten.

33

Haer slaepcameren ende haren voorvorst ende haer poortael als bouen, ende haer vensteren ende haer portalen int ronde, in die lengde van vijftich cubitus, ende in die breydde van vijuentwintich cubitus.

34

Ende haer portael dat is van dat buytenste voorhof, ende die wtghesneden palmboomen waren in haren voorvorst aen deen ende aen dander sijde, ende met acht trappen was haren opganck.

35

Ende hi heeft my gheleydt tot die poorte die ten noorden siet, ende hy heeft ghemeten nae die voorleden maten.

36

Haer slaepcamer ende haeren voorvorst, ende haer portael, ende haer vensteren int ronde, waren in die lengde van vijftich cubitus, ende in die breydde van vijuentwintich cubitus.

37

⁺Ende haer poortael sach tot dat buytenste voorhof, ende wtghesneden werck van palmboomen was in haren voorvorst aen deen ende aen dander sijde, ende met acht graden was haren opganck.

+ F

38

Ende tot elcke scadtcamer was een doere in die voorvorsten der poorten, daer wiesschen sij die brantofferande.

39

Ende int poortael vander poorten waren twee tafelen aen deen sijde, ende twee tafelen aen dander sijde dat daer op soude gheoffert worden den brantoffer, ende voor die sonde, ende voor die versuemenisse.

40

Ende aen die buytenste sijde die opclimt tot die doere der poorten die ten noorden ghaet waren twee tafelen, ende aen dander sijde voor tpoortael vander poorten waren twee tafelen,

41

vier tafelen aen deen sijde, ende vier tafelen aen dander sijde, aen die sijden der poorten waren acht tafelen, waer op dat si den slachoffer doodden.

42

Maer die vier tafelen totten brantoffer waren van viercantighe steenen ghemaect, in die lengde van onderhaluen cubitus, ende in die breydde van onderhaluen cubitus, ende in die hoochde van eenen cubitus, waer op dat sij die vaten stellen sullen in welcke die brantofferande ende die slachofferande ten offer ghedoodt worden.

43

Ende hen lijsten waren van een palm wederom ghecromt van binnen, int ronde, maer op die tafelen was tvleesch der offeranden.

44

Ende buyten die binnenste poorte waren der sanghers scadtcameren in dat binnenste voorhof dat daer was in die sijde der poorten noortwaerts siende, ⁺ende hen aensicht was teghen den suytwech die eene aen die sijde van die oostpoorte, die sach teghen den noortwech.

+ G

45

Ende hy heeft tot my gheseyt. Dit is die scadtcamer die siet teghen den suytwech die sal den priesters toebehooren, die wake houden in die bewaringhen des tempels,

46

maer die scadtcamer die ten noortwech siet, sal den priesters toebehooren die wake houden tot den dienst des outaers, dit sijn Sadocs kinderen die van Leuijs kinderen totten Heere comen, dat sij hem dienen souden.

47

Ende hy heeft dat voorhoff ghemeten in die lengde van hondert cubitus, ende in die breydde van hondert cubitus, int viercant, ende den outaer voor daenschijn des tempels.

48

Ende hy heeft my binnen gheleydt in dat poortael des tempels, ende hi heeft dat poortael ghemeten vijf cubitus aen deen sijde, ende vijf cubitus aen dander sijde, ende die breydde der poorten drij cubitus aen deen sijde, ende drij cubitus aen dander sijde.

49

Ende die lengde van dat poortael van twintich cubitus, ende die breydde van elf cubitus, ende met acht trappen ghinckmen daer op. Ende daer waren columnen in die voorvorsten, deen aen deen sijde, ende dander aen dander sijde.