Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xxx. Capittel.

1

⁺ENde des Heeren woert is tot my ghesciedt segghende,

+ A

2

Sone des menschen propheteert, ende segt, Dit seyt die Heere Godt, Huylt wee, wee, den daghe,

3

want den dach is nae by, ende den dach des Heeren is nakende, den dach der wolcken, tsal den tijt der heydenen zijn.

4

Ende tsweert sal in Egypten comen, ende tsal een veruaertheyt zijn int Morianen lant, als die ghewonden sullen vallen in Egypten, ende dat haer menichte sal wechghenomen zijn, ende haer fundamenten verdoruen,

5

het Morianen lant ende die van Libyen ende die Lidianen, ende alle dander ghemeyn volck ende Chub, ende die kinderen van dlant des verbonts, sullen met hen doert sweert vallen.

6

Dit seyt die Heere God. Ende sij sullen vallen die Egipten onder houden, ⁺ende die houerdie van haer heerscappie sal verdoruen worden, vanden torre van Sienes sullen sij metten sweerde vallen in haer, seyt die Heere der heyrscaren,

+ B

7

ende sij sullen verstroyt worden int midden van die verwoeste landen, ende die steden sullen int midden van die verlaten steden wesen.

8

Ende sij sullen weten dat ic die Heere ben, als ic tvier sal ghegheuen hebben in Egypten, ende dat alle hen helpers sullen verdoruen zijn.

9

In dien dach sullen der boden wtgaen van mijn aensicht in groote scepen, om te vernielen dat betrouwen van dat Morianen lant, ende daer sal een veruaertheyt in hen wesen, inden dach van Egypten, want hy sal sonder twijfel comen.

10

Dit seyt die Heere Godt, ⁺Ende ick sal doen ophouden die menichte van Egypten doer Nabugodonosors des conincs van Babilonien hant.

+ C

11

Hy ende zijn volck met hem die stercste der volcken sullen aen ghebracht werden, om dlant te bederuen, ende sij sullen hen sweerden wtrecken op Egypten, ende sij sullen dlant vullen met ghedoodde,

12

ende ic sal die bodemen der vloeden drooghe maken, ende ick sal dlant leueren in die hant van die alderquaetste, ende ic sal dlant verderuen, ende zijn volheyt in die handen der vreemder. Ick die Heere hebt ghesproken.

13

Dit seyt die Heere Godt, Ende ic sal der affgoden beelden vernielen, ende ic sal die affgoden doen ophouden van Memphis, ende daer en sal voerts gheen vorst meer wesen van dlant van Egypten. ⁺Ende ick sal een veruaernisse gheuen in dlant van Egypten.

+ D

14

Ende ic sal dlant van Phathures verderuen, ende ick sal vier gheuen in Taphnis, ende ick sal ordeelen doen in Alexandrien.

15

Ende ick sal mijn verbolghentheyt wtstorten op Pelusium die macht van Egypten, ende ick sal die menichte van Alexandrien dooden,

16

ende ick sal een vier gheuen in Egypten, als een vrouwe in barens noode sal Pelusium pijne lijden, ende Alexandria sal verdoruen wesen, ende in Memphis sullen daghelijcsche anxten wesen.

17

Die ionghelinghen van Heliopolis ende van Pubasti sullen metten sweerde vallen, ⁺ende sij sullen gheuanghen wech gheleydt worden.

+ E

18

Ende in Taphnis sal den dach swart worden, als ick daer vernielt sal hebben die sceptren van Egypten, ende dat in haer sal vergaen zijn die houerdie van haer machticheyt, een wolcke sal haer ouerdecken, maer haer dochteren sullen in tgheuanghenisse gheleyt worden.

19

Ende ick sal ordeelen doen in Egypten, ende sij sullen weten dat ick die Heere ben.

20

Ende tis ghesciet int elfste iaer in dierste maent, in den seuensten dach der maent dat het woert des Heeren tot my ghesciet is segghende.

21

⁺Sone des menschen, ick heb Pharaos des conincs van Egypten arm ghebroken, ende siet hy en is niet bewonden gheweest, dat hem zijn ghesontheyt soude wederghegheuen worden, dat hy met doecken soude ghebonden worden, ende gheveescht met lijnen doecxkens, ende dat hy zijn macht wederghecreghen hebbende, soude moghen tsweert houden.

+ F

22

Daer om dit seyt die Heere Godt. Siet ick tot Pharao den coninck van Egypten, ende ick sal zijnen stercken arm, maer ghebroken, heel in stucken breken, ende ick sal tsweert van zijn hant nederwerpen,

23

ende ick sal Egypten verstroyen onder die Heydenen, ende ick salse waeyen in die landen.

24

⁺Ende ick sal des conincs van Babilonien armen versterken, ende ic sal mijn sweert in zijn hant gheuen, ende ick sal Pharaos armen in stucken breken, ende die verslaghene sullen met suchtinghe suchten voer zijn aensicht.

+ G

25

Ende ick sal des conincs van Babilonien armen verstercken, ende die armen van Pharao sullen tsamen nederuallen, ende sij sullen weten dat ick die Heere ben, als ick mijnn sweert sal ghegheuen hebben in des conincs van Babilonien hant, ende dat hy die wtghestrect sal hebben ouer dlant van Egypten.

26

Ende ick sal Egypten verstroeyen in die natien, ende ic salse waeyen in die landen, ende sij sullen weten dat ick die Heere ben.