Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xv. Capittel.

1

⁺ENde des Heeren woort is tot my ghedaen segghende.

+ A

2

Sone des menschen, wat salmen maken van des wijnstruycs houte wt alle die houten der bosschen die onder die houten der bosscagien sijn?

3

Salmen daer aff een hout nemen, datmen een werck daer aff make, oft salmen daer aff eenen haec maken, datter eenige ghereetscappe aenhange.

4

Siet het is den viere ghegheuen tot een spijse, beyde zijn sijden heuet vier verteert, ende zijn helicht is tot asschen ghebrocht, salt oock bequaem zijn tot eenich werc?

5

Ooc doent gheheel was soo en waert niet bequaem tot eenich werck, hoe veel te meer, als het vier dat verslint ende verbrant heeft, en salmen gheen werc daer aff maken?

6

⁺Daerom dit seyt die Heere Godt. Ghelijc het hout des wijngaerts onder die houten der bosscagien is, dwelc ic den viere ghegeuen hebbe om te verslinden, alsoo sal ic die bewoonders van Ierusalem leueren.

+ B

7

Ende ick sal mijn aensicht teghen hen stellen, si sullen wten viere gaen, ende tvier salse vernielen, ende ghy sult weten dat ick die Heere ben. Als ick mijn aensicht sal teghen hen ghestelt hebben,

8

ende dat ick dlant sal ongancbaer ghemaect hebben endeverwoest, om dat si ouertreders geweest zijn, seyt die Heere God.