Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .iiij. Capittel.

1

ENde seuen vrouwen sullen eenen man aenveerden op dien dach segghende, ⁺Ons broot sullen wy eten ende met onsen cleederen sullen wy bedect worden, alleenlijck laet uwen naem

+ A

[p. *558]

aengheroepen worden op ons, neemt wech ons verwijt.

2

In dien dach sal dat groeytsel des Heeren wesen in heerlijcheyt ende glorie, ende die vrucht der eerden hooghe, ende een verhuegen den genen die behouden sullen sijn van Israel.

3

Ende tsal sijn dat alle die ghene die achterbleuen sal sijn in Sion ende ouerghelaten in Ierusalem, sal heylich ghenoemt worden alle die ghescreuen is int leuen in Ierusalem.

4

Eest dat die Heere affwascht die vuylicheden der dochteren van Sion, ⁺ende dat hy dbloet van Ierusalem wasscht wt dat midden van haer in den gheest des ordeels, ende den gheest des brants.

+ B

5

Ende die Heere sal sceppen ouer alle plaetsen des berchs van Sion, ende daer hy aengheroepen is, een wolcke des daechs, ende eenen roock ende het scijnsel van een vlammende vier des nachts. Want bouen alle glorie is die bescerminge.

6

Ende het tabernakel sal wesen tot een lommer hutte des daechs van die hitte, ende tot een bevrijdinge, ende verberghinge vanden storm ende vanden reghen.