Den gheheelen Bybel, Inhoudende het oude ende nieuwe Testament (Leuvense bijbel 1548)

(2008)–Anoniem Leuvens bijbel 1548– rechtenstatus



Dat .viij. Capittel.
1 Ga naar margenoot+EN kijft niet met eenen machtighen mensch, dat ghy bijauontueren niet en valt in sijn handen.
2 En strijdt niet teghen teghen eenen rijcken man, dat hy bijauontueren teghen v gheen ghedinghe en make,
3 want gout ende tsiluer heefter veel verdoruen, ende tes tot dat therte der coninghen wtghestreckt, ende theeft dat om ghekeert.
4 En kijft niet met eenen mensch die lanck van tonghe is, ende en stoect gheen hout in zijn vier.
5 En hebt gheen ghemeynscap met eenen ongheleerden mensche, dat hy niet qualijck van uwen gheslachte en spreke.
6 En versmaet den mensch niet die hem affkeert van die sonde, noch en verwijtet hem niet, Ga naar margenoot+gedenct dat wy allegader in berispinghe zijn.
7 En versmaet den mensch niet in zijn ouderdom, want wt ons worden sij oudt.
8 En wilt v niet verblijden ouer uwen dooden viant wetende dat wy alle steruen, ende in blijscap willen wy comen.
9 En versmaet niet die redenen der wijser ouderen, ende in hen byspraken verkeert,
10 want van hen suldi wijsheyt leeren, ende die leeringhe des verstants, ende dienen den grooten van state sonder clachte.
11 En vergheet die vertellinghe der ouderen niet, want sij hebbent gheleert van haren vaderen,
12 want van hen suldi verstant leeren, ende inden tijt des noodts suldi antwoerde gheuen.
13 En onsteect die colen der sondaren niet, Ga naar margenoot+hen straffende, ende en wort niet onsteken van die vlamme viers van haren sonden.
14 En staet niet teghen daensicht van eenen scimpighe lasteraer, opdat hy niet en sitte als een listich laghe leghere uwen monde.
15 En wilt niet leenen eenen mensch die stercker es dan ghy, ende eest dat ghy hem gheleent hebt, soo houdt dat als verloren.
16 En gheloeft niet bouen v macht, ende eest dat ghijt gheloeft hebt, soo dencket als oft ghijt betalen moest.
17 En ordeelt niet teghen den rechter, want hy ordeelt nae dat rechtuerdich is.
18 Met den stouten en gaet ouer wech niet, op dat hy bijauontueren zijn quade dinghen op v niet en besware, Ga naar margenoot+want hy gaet nae sijnen wille, ende ghy sult te samen met sijnder dwaesheyt vergaen.
19 Met eenen grammoedighen en wilt gheen kijuagie maken, ende met eenen stouten en gaet in die woestijne niet, want als niet is voer hem dbloet, ende daer gheen helpe en is, daer sal hy v nederstooten.
20 En hebt gheenen raet metten dwasen, want sij en moghen niet liefhebben dan dinghen die hen behaghen.
21 Voer eenen vreemden en wilt gheenen raet houden, want ghy en weet niet wat hy voertbrenghen sal.
22 En opent v herte alle mensch niet, op dat hy v messchien gheen valsche gratie en doe, ende v bescimpe.	margenoot+ A margenoot+ B margenoot+ C margenoot+ D

Vorige Volgende

Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .viij. Capittel.

1

2

3

4

5

6

7

8

9

10

11

12

13

14

15

16

17

18

19

20

21

22

Over het gehele werk

auteurs