Den gheheelen Bybel, Inhoudende het oude ende nieuwe Testament (Leuvense bijbel 1548)

(2008)–Anoniem Leuvens bijbel 1548– rechtenstatus



Dat .vij. Capittel.
1 Ga naar margenoot+ENn wilt gheen quade dinghen doen, ende die en sullen v niet beuanghen.
2 Scheyt vanden boosen, ende die quade dinghen sullen van v vergaen.
3 Kint en saeyt gheen quade dinghen in die acker voren der onrechtuerdicheyt, ende soo en sult ghy die niet seuenuoudich maeyen.
4 En wilt van gheenen mensch begheeren heerscappie oft van den coninck den stoel der eeren.
5 En maect v niet rechtuerdich voer Godt, want hy is die bekender des herten, ende by den coninck en begheert niet wijs gheacht te worden.
6 En wilt niet versoecken om rechter te wesen, ten sij dat ghy machtich sijt, om metter macht die boosheden te doerbreken dat ghy bijauontueren niet en ontsiet daensicht vanden machtighen, ende een struycsele stelt in v rascheyt.
7 En sondicht niet teghen die menichte der stadt, noch en steect v niet int volck,
8 noch en bindt gheel dobbel sonden te samen, want ghy en sult in die ene niet ontsculdich wesen.
9 En wilt niet cleynmoedich zijn in uwen moet,
10 Verbidden ende almissen doen en wilt niet verachten.
11 En segt niet Godt sal die menichte mijnder gauen aensien, ende als ick den alderhoochsten Gode offere, soe sal hy mijn gauen ontfanghen.
12 Ga naar margenoot+En bespot gheenen mensch in bitterheyt zijnder zielen. Want daer is een die vernedert ende verheft Godt diet al omme siet.
13 En wilt gheen loghene beminnen teghen uwen broedere, noch aen nwen vrient en doet desghelijcs niet.
14 En wilt niet lieghen alle loghenen, want die ghewoonte van die en is niet goet.

[pagina *531]
15 En wilt niet veel van woerden zijn in die menichte der ouders, ende en herhaelt gheen woert in v ghebedt.
16 En haet die arbeydelijcke wercken niet, ende die landtwinninghe die vanden alderhoochsten ghescapen is.
17 En versaemt v niet met die menichte der ongheleerder.
18 Ghedenct der gramscap, want sij en sal niet vertoeuen.
19 Verootmoedicht seere uwen gheest, want die wrake des vleeschs van den ongoddelijcken sal wesen tvier ende den worm.
20 En wilt niet ouertreden teghen den vrient die tghelt acherwaerts houdt, noch uwen liefsten broeder en versmaet om gheen gout.
21 En wilt niet sceyden van een verstandighe ende goede vrouwe, die welcke ghy ten deele hebt ghecreghen in die vreese des Heeren, want die gratie van haerder scamelheyt es bouen gout.
22 En quetst den knecht niet die inder waerheyt werckende is, noch den huerlinck die zijn ziele gheeft.
23 Ga naar margenoot+Een verstandich knecht sij v bemint ghelijck v ziele, en berooft hem niet vander vrijcheyt, noch en verlaet hem niet arm.
24 Hebdi beesten? soo draecht daer ghemerck op, ende eest dat sij profitelijck zijn, soo laetse by v blijuen.
25 Hebdi sonen? soo leertse, ende boochtse van hem ioncheyt.
26 Hebdi dochteren? bewaert haer lichamen, ende en toont v aensicht niet vrolijck te haer waerts.
27 Bestaet v dochter ende ghy hebt dan een groot werck ghedaen, ende gheeft die eenen verstandighen man.
28 Eest dat ghy een vrouwe hebt nae v ziele, soo en verworpt die niet, ende der hatelijcker en betrout v seluen niet in alle v herte.
29 Eert uwen vader, ende die suchtinghen ws moeders en vergheet niet.
30 Ghedenct dat ghi niet en waert, en waerdi doer hen niet gheboren, ende doet hen wederom, alsoo sij v oock ghedaen hebben.
31 Ga naar margenoot+Met v gheheel ziele vreest den Heere, ende heylicht sijn priesters.
32 Met allen v macht bemint hem die v ghemaect heeft, ende zijn dienaers en verlaet niet.
33 Eert Godt wt allen v ziele, ende doet eere den priesters ende suyuert v te voren metten armen.
34 Gheeft hen een deel (ghelijck v beuolen is) der iersten vruchten, ende der suyueringhen, ende van uwer versuemenissen suyuert v met luttelen.
35 Die gifte van uwen armen, ende dat sacrificie der heylichmakinghe suldi den Heere offeren, ende dierste gauen der heyligher dinghen,
36 ende den armen reyct wt v hant, op dat v versoeninghe ende ghebenedijdinge mach volbracht worden.
37 Die gratie der gauen es voer daenschijn van allen leuenden, ende van eenen dooden en verbiedt die gratie niet.
38 En wilt den ghenen die weenen niet laten te troosten, ende metten ghenen die rouwe maken wandelt.
39 En laet v niet verdrieten den siecken te besoecken, want van desen dinghen suldi in die liefde gheuesticht worden.
40 In allen uwen wercken ghedenct uwer wterster, ende inder eewicheyt hgy en sult niet sondighen.	margenoot+ A margenoot+ B margenoot+ C margenoot+ D

Vorige Volgende

Dat .vij. Capittel.

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

Over het gehele werk

auteurs