Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .iij. Capittel.

1

IN mijn beddeken in die nachten heb ic gesocht dien mijn ziele bemint. ⁺Ic heb hem gesocht ende niet gheuonden.

+ A

2

Ic sal opstaen, ende omgaen die stadt, doer die straetkens ende straeten sal ic hem soecken dien mijn ziele bemint. Ic heb hem ghesocht ende niet gheuonden.

3

Die wakers hebben my gheuonden die de stadt bewaren. En hebdi hem niet ghesien dien mijn ziele bemint?

4

Een luttelken nae dat ic hen voer by ghegaen was, ⁺heb ic vonden den ghenen die mijn ziele bemint. Ic heb hem ghehouden ende ick en sals niet laten gaen, tot dat ick hem binnen brenghe in mijns moeders huys, ende in die slaepcamer der gheender die my ghebaert heeft.

+ B

5

Ic besweere v ghy dochteren van Ierusalem by die capretten ende herten der velden dat ghi niet en wect, noch en doet ontwaken mijn lief tot dat sij selue wilt.

6

⁺Wie is dese die opclimt doer die woestijne ghelijc een roedeken des roocs wt die costelijcke specerien van myrrhen, ende wierooc, ende van alderley poeder des apotekers?

+ C

7

Siet rontsom Salomons beddeken gaen tsestich stercke van die alderstercste van Israel,

8

alle houdende sweerden, ende ter orloghen seer gheleert, eens ieghelijcs sweert is op sijn dgie om die nacht vreesen.

9

Die coninck Salomon heeft een rosbaer voer hem seluen ghemaect van Libanus hout,

10

die columnen van dien heeft hy silueren

[p. *515]

ghemaect, dat leensel gulden, den opganck van purpuren, dat middelste heeft hy met liefden ghepaueyt om die dochteren van Ierusalem.

11

Gaet wt ende besiet ghi dochteren van Sion den coninck Salomon in sijn croonement waer mede hem sijn moeder ghecroont heeft op den dach van sijnder bruloft, ende inden dach van sijns herten blijscap.