Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .vi. Capittel.

1

⁺DAer is noch een ander quaet dat ick ghesien hebbe onder die sonne, ende dats emmer seer ghemeyn by die menschen.

+ A

2

Een man den welcken God rijcdommen ghegheuen heeft, ende goet, ende eere, ende sijnder zielen en ghebreect niet van alle dat hy begheert, ende Godt en heeft hem gheen macht ghegheuen dat hy daer aff ete. Maer een vreemdt mensch sal dat verslinden, dats ydelheyt ende groote allendicheyt.

3

⁺Eest dat iemant wint hondert wettighe kinderen, ende leuet veel iaren, ende dat hy veel daghen des ouderdoms heeft, ende sijn ziele niet en ghebruyct die wellusten van haer goet, ende dat hy ooc begrauenisse derft. Van desen segghe ick dat een verworpelinck beter is dan hy.

+ B

4

Want te vergheefs is hy ghecomen ende hy gaet tot die duysternissen, ende doer verghetenheyt sal zijnen naem wtgheuaecht worden.

5

Hy en heeft die sonne niet ghesien, noch niet ghekent dat ondersceyt van goet ende quaet,

6

⁺oock al waert dat hy twee duysent iaren leefde, ende niet en heeft dat goet ghebruyct, en gaen alle dinghen niet haestelijck tot eender plaetsen?

+ C

7

Alle den arbeyt des menschen is in sijnen mont, maer sijn ziele en sal niet veruult worden.

8

Wat heeft die wijse meer dan een sot? ende wat heeft die arme meer dan dat hy derwaerts gaet daert leuen is?

9

⁺Beter eest te siene dat ghi begheert, dan te begheeren dat ghy niet en weet, maer dat is oock ydelheyt, ende een vermetelijcheyt des gheests.

+ D

10

Die noch wesen sal, diens naem is nu ghenoemt ende men weet dat een mensch is, ende dat hy niet en vermach teghen eenen die stercker is dan hy int recht strijden.

11

Die woerden sijn seer vele, ende sij hebben int ondersoecken veel ydelheden.