Den gheheelen Bybel, Inhoudende het oude ende nieuwe Testament (Leuvense bijbel 1548)



Den .C.xlvij. Psalm. Lauda Ierusalem.
12 LOuet Ierusalem den Heere, louet uwen Godt Sion.
13 Want hy heeft versterct die sloten van uwen poorten, hy heeft v kinderen ghebenedijt in v.
14 Die v palen ghestelt heeft vrede, ende met die bloeme vander terwen v versaet.
15 Die sijn woort wtsent tot der eerden, rasschelijc loopt sijn woort.
16 Die den sneeu gheeft ghelijck wolle, die den neuel ghelijck asschen spraeyet.
17 Hy worpt sijn cristallijn ghelijck beten, wie sal connen staende blijuen voor daensicht van sijnder couden?
18 Hy sal sijn woort wtsenden ende die smelten, sijnen wint sal blasen ende die wateren sullen vlieten.
19 Die sijn woort vercondicht Iacob, sijn rechtuerdicheden ende ordeelen Israel.
20 Hy en heeft alsoo niet ghedaen allen natien, ende sijn ordeelen en heeft hy hen niet gheopenbaert, Alleluya.