Den gheheelen Bybel, Inhoudende het oude ende nieuwe Testament (Leuvense bijbel 1548)
(2008)–Anoniem Leuvens bijbel 1548–
Auteursrechtelijk beschermd1[2]MEt mijnder stemmen heb ick gheroepen, met mijnder stemmen heb ic tot den Heere hertelijck ghebeden. | |
2[3]Ick stort voer sijn aensicht mijn ghebedt wt, ende mijn tribulacie spreeck ick voer hem wt. | |
3[4]Als mijnen gheest wt my verflaut, ende ghy hebt mijn paden ghekent. In desen wech daer ick in wandelde, hebben sij my eenen strick gheberghen. | |
4[5]Ick mercte toe aen rechte sijde ende ick sach, ende daer en was niemant die my kende. Want het vluchten is van my vergaen, ende daer en is niemant die mijn ziele sochte. | |
5[6]Ick heb tot v gheroepen Heere ick heb gheseyt, ghy sijt mijn hope, mijn deel in dlant der leuender. | |
6[7]Luystert nae mijn hertelijck bidden, want ick ben bouen maten seer vernedert. Verlost my van die ghene die my veruolghen, want sij sijn my te sterck gheworden. | |
7[8]> Leydt my wt van die gheuanghenisse om uwen naem te belijden, die rechtuerdighe verbeyden my, tot dat ghy my den wederloon gheeft. |
|