Den gheheelen Bybel, Inhoudende het oude ende nieuwe Testament (Leuvense bijbel 1548)
(2008)–Anoniem Leuvens bijbel 1548–
Auteursrechtelijk beschermd1[2]DIe bermherticheden Godts sal ick inder eewicheyt singhen. Van gheslachte tot gheslachte, sal ick vercondighen v waerheyt met mijnen mont. | |
2[3]Want ghy hebt gheseyt. Inder eewicheyt sal die bermherticheyt ghetimmert worden, in die hemelen sal v waerheyt bereydt worden. | |
3[4]Ick heb een verbont ghemaect met mijnen wtuercorenen, ick heb Dauid mijnen knecht ghesworen, | |
4[5]tot inder eewicheyt sal ick v saet bereyden. Ende ick sal op stichten van gheslachte tot gheslacte, uwen stoel. | |
5[6]Die hemelen sullen v wonderlijcheden belijden Heere, ende ooc voorwaer v warachticheyt in die vergaderinghe der heylighen. | |
6[7]Want wie sal in die wolcken den Heere ghelijck worden? wie sal Godts ghelijck sijn onder die kinderen Godts? | |
7[8]Godt die gheglorificeert wort inden raet der heylighen, groot ende veruaerlijck bouen alle die rontsom hem sijn. | |
8[9]Heere Godt der heyrcrachten wie is ws ghelijck? machtich sijdy Heere, ende v waerheyt is rontsomme omtrent v. | |
[pagina *473]
| |
9[10]Ghy hebt heerscappie ouer die macht der zee, maer ghy stilt die beroerte van haer baren. | |
10[11]Ghy hebt vernedert als eenen ghewonden den houerdighen, inden arm uwer cracht hebdy v vianden verstroyt. | |
11[12]Vwe is den hemel ende uwe is die eerde, den omganck der aerden ende haer volheyt hebt ghy ghefundeert, dat noorde ende die zee hebdi ghescapen. | |
12[13]Thabor ende Hermon sullen in uwen naem verhueghen, uwe is den arm metter machticheyt. | |
13[14]Laet gheuesticht worden uwe hant, ende verhauen werde v rechte hant, | |
14[15]rechtuerdicheyt ende ordeel sijn het bereytsel van uwen stoel. Bermherticheyt ende waerheyt sullen voor v aensicht gaen, | |
15[16]salich is tvolck dat iolijt maken can. Heere in dlicht van uwen aensicht sullen sij wandelen, | |
16[17]ende in uwen naem sullen sij hen verhueghen den gheheelen dach, ende door v rechtuerdicheyt sullen si verhauen worden. | |
17[18]Want die glorie van haerder cracht sijt ghy, ende in v welbehaghen sal onsen horn verheuen worden. | |
18[19]Want des Heeren is ons opneminghe, ende des heylichs van Israel ons conincs. | |
19[20]Doen hebdi ghesproken in een visioen tot uwen heylighen, ende ghy hebt gheseyt. Ick heb helpe ghestelt in eenen machtighen, ende ic heb verheuen eenen wtuercoren wt mijnen volcke. | |
20[21]Ic heb gheuonden Dauid mijnen knecht, met mijn heylighe olie heb ick hem ghesalft. | |
21[22]Want mijn hant sal hem helpen, ende mijnen arm sal hem verstercken. | |
22[23]Die viant en sal gheen voorspoet teghen hem hebben, ende die sone der boosheyt en sal daer niet toe doen om hem te hinderen. | |
23[24]Ende ick sal te samen verslaen van sijnen aensicht sijn vianden, ende die hem haten sal ick ter vlucht keeren. | |
24[25]Ende mijn waerheyt, ende mijn bermherticheyt sullen met hem sijn, ende in mijnen naem sal sinen horn verhauen worden. | |
25[26]Ende ick sal in die zee sijn hant stellen, ende in die vloeden sijn rechte hant. | |
26[27]Hy heeft my aenroepen mijn vader sijdi, mijn God ende die ontfangher mijnder salicheyt. | |
27[28]Ende ick sal hem stellen tot eenen iersten gheborene, verhauen bouen die coninghen der eerden. | |
28[29]Inder eewicheyt sal ick hem bewaren mijn bermherticheit, ende mijn verbont sal voor hem getrouwe sijn. | |
29[30]Ende ick sal inder eewicheyt der eewicheden sijn saet stellen, ende sijnen throon ghelijc die daghen des hemels. | |
30[31]Maer eest dat sijn kinderen mijn wet verlaten, ende dat sij in mijn ordeelen niet en wandelen. | |
31[32]Eest dat sij mijn rechtuerdicheden ontheylighen, ende mijn gheboden niet en houden. | |
32[33]Soo sal ic metter roede hen boosheden versuecken, ende met slaghen hen sonden. | |
33[34]Maer mijn bermherticheyt en sal ic van hem niet verstroyen, noch ick en sal hem niet hinderen in mijn waerheyt. | |
34[35]Noch ic en sal mijn verbont niet ontheylighen, ende dat van mijnen lippen wtgaet en sal ick niet van onweerden maken. | |
35[36]Eens heb ick ghesworen in mijnen heylighen, ick en sal Dauid niet lieghen, | |
36[37]saet sal inder eewicheyt blijuen. | |
37[38]Ende sijnen throon sal ghelijc die sonne voor mijn aensicht sijn, ende ghelijck die volle mane inder eewicheyt, ende een ghetrouwe ghetuyghe is inden hemel. | |
38[39]Maer ghi hebt verstooten ende versmaet, ghi hebt wtghestelt uwen ghesalfden. | |
39[40]Ghy hebt afghekeert dat verbont ws knechts, ghi hebt ontheylicht opder eerden sijn heylighe plaetse. | |
40[41]Ghy hebt alle sijn thuynen verdoruen, ghi hebt sijn vasticheyt tot anxt ghestelt. | |
41[42]Hem hebben berooft alle die ouer den wech ghinghen, hy is gheworden een verwijt sijnen ghebueren. | |
42[43]Ghy hebt verhauen die rechte hant vanden ghenen die hem verdrucken, ghi hebt verblijt alle sijn vianden. | |
43[44]Ghy hebt die helpe van sijnen sweerde afghekeert, ende ghy en hebt hem niet gheholpen inden strijdt. | |
44[45]Ghy hebt hem verdoruen van sijn suyueringhe, ende sijnen stoel hebdi ter eerden in stucken gheworpen. | |
45[46]Ghy hebt die daghen sijns tijts vermindert, ghy hebt hem ouergoten met bescaemtheyt. | |
46[47]Hoe langhe Heere suldi totten eynde v afkeeren, hoe lange sal v gramscap als een vier seer ontsteken worden? | |
47[48]Weest ghedachtich wat mijn substancie is, hebdi ooc ydelijc alle die kinderen der menschen ghestelt? | |
48[49]Wie is die mensche die leuen sal, ende die doot niet sien, die sijn ziele sal verlossen van die hant der hellen? | |
49[50]Waer sijn v oude bermherticheden Heere, ghelijc ghy Dauid ghesworen hebt in v waerheyt? | |
50[51]Weest ghedachtich Heere des verwijts van uwen dienaren (dwelck ick ghehouden heb in mijnen schoot) van veel Heydenen. | |
51[52]Dat v vianden verweten hebben Heere, dat si verweten hebben die veranderinghe van uwen ghesalfden. | |
52[53]Ghebenedijt sij die Heere inder eewicheyt, dat moet ghescieden, dat moet ghescieden. |
|