Den gheheelen Bybel, Inhoudende het oude ende nieuwe Testament (Leuvense bijbel 1548)
(2008)–Anoniem Leuvens bijbel 1548–
Auteursrechtelijk beschermd1[2]GOdt mijn Godt, tot v wake ick van des morghens. Mijn ziele heeft ghedorsticht nae v, hoe menichfuldichlijck dorstet nae v mijn vleesch. | |
2[3]Int woest landt ende ombewandelt, ende sonder water, alsoe heb ick v gheopenbaert gheweest, dat ick soude sien v cracht, ende v glorie. | |
3[4]Want beter is v bermherticheyt bouen veel leuens, mijn lippen sullen v louen. | |
4[5]Alsoo sal ick v ghebenedijden in mijn leuen, ende in uwen naeme sal ick mijn handen opheffen. | |
5[6]Als met vet des inghewants ende met smeer, laet mijn ziele veruult worden, ende met lippen des verhueghens sal mijnen mont louen. | |
6[7]Alsoo hebt ick ws ghedachtich gheweest op mijn bedde, in die morghe stonden sal ick dencken op v, | |
7[8]want ghy hebt mijn helper gheweest. Ende in dat decsele van uwen vloghelen sal ick verhueghen, | |
8[9]mijn ziele heeft v aenghehanghen, v rechte hant heeft my ontfanghen. | |
9[10]Maer sy hebben te vergheefs mijn ziele ghesocht, sij sullen gaen int nederste der eerden, | |
10[11]sij sullen gheleuert worden in die handt des sweerts, der vossen deelen sullen sij wesen. | |
11[12]Maer die coninc sal hem verblijden in Gode, sij sullen geloeft worden alle die by hem sweeren, want den mont is ghestopt van allen den ghenen die boose dinghen spreken. |
|