Den gheheelen Bybel, Inhoudende het oude ende nieuwe Testament (Leuvense bijbel 1548)
(2008)–Anoniem Leuvens bijbel 1548–
Auteursrechtelijk beschermd1[2]EN sal mijn ziel Gode niet onderdanich sijn? want van hem is mijn salicheyt. | |
2[3]Want hy is selue mijn Godt ende mijn salichmaker, mijn ontfangher, ick en sal niet meer beroert worden. | |
3[4]Hoe langhe ouerualdi den mensch? (ghy alle, ghy slaet doot) als eenen gheneychden want, ende een omghestoten muer. | |
4[5]Maer nochtans hebben sij ghedacht mijnen prijs te verstooten ick heb met dorst gheloopen, met haren monde benedijden zij, ende met hen herte soo vermaledijden sij. | |
5[6]Maer nochtans mijn ziele weest Gode onderdanich, want van hem is mijn verduldicheyt. | |
6[7]Want hy is mijn Godt, ende mijn salichmaker, mijn helper ende ick en sal niet verhuysen. | |
7[8]In Gode is mijn salicheyt ende mijn glorie, Godt mijnder helpen, ende mijn hope is in Godt. | |
8[9]Hoept in hem alle vergaderinghen des volcs, stort wt voer hem v herten, Godt is onse helper inder eewicheyt. | |
9[10]Maer nochtans ydel sijn die kinderen der menschen, loghenachtich sijn die kinderen der menschen in die waghen, dat sij bedrieghen souden doer ydelheyt al te samen. | |
10[11]En wilt niet hopen in die boosheyt, ende die roouen en wilt niet begheeren, eest dat die rijcdommen ouervloedich sijn, soo en wilt v herte daer aen niet stellen. | |
11[12]Eens heeft Godt ghesproken, dese twee heb ick ghehoort, want die macht behoort Godt toe, | |
12[13]ende v Heere die bermherticheyt want ghy sult eenen ieghelijcken loonen nae sijn wercken. |
|