Den gheheelen Bybel, Inhoudende het oude ende nieuwe Testament (Leuvense bijbel 1548)
(2008)–Anoniem Leuvens bijbel 1548–
Auteursrechtelijk beschermd1[2]DIe onrechtuerdige heeft gheseyt dat hy misdoen soude in sij seluen, daer en is gheen vreese Godts voor sijn ooghen. | |
2[3]Want hy heeft bedriechelijck ghedaen in sijn aensicht, dat sijn boosheyt gheuonden worde tot hate. | |
[pagina *454]
| |
3[4]Die woorden sijns monts sijn boosheyt ende bedroch, hy en heeft niet willen verstaen dat hy wel doen soude. | |
4[5]Boosheyt heeft hy bedacht in sijn bedde, hy heeft ghestaen by alle weghen die niet goet en waren, maer die quaetheyt en heeft hy niet ghehaet. | |
5[6]Heere inden hemel is uwe bermherticheyt, ende v waerheyt tot die wolcken toe. | |
6[7]V rechtuerdicheyt is ghelijck Gods berghen, v ordeelen sijn groote diepten. Die menschen ende beesten suldi behouden Heere | |
7[8](ghelijc ghy God vermenichfuldicht hebt uwe bermherticheyt). Maer die kinderen der menschen, sullen in dat decsel uwer vloghelen hopen. | |
8[9]Sij sullen droncken worden van die oueruloedicheyt ws huys, ende metten vloet uwer wellusticheyt suldise drencken. | |
9[10]Want by v is die fonteyn des leuens, ende in v licht sullen wij dlicht sien. | |
10[11]Reyct wt v bermherticheyt den ghenen die v kennen, ende v rechtverdicheyt den ghenen die oprecht van herten sijn. | |
11[12]En laet den voet der hoouerdien my niet ouercomen ende die hant des sondaers en roere my niet. | |
12[13]Daer sijn sij gheuallen die boosheyt doen, sij sijn wt ghedreuen ende sij en mochten niet staen. |
|