Den gheheelen Bybel, Inhoudende het oude ende nieuwe Testament (Leuvense bijbel 1548)
(2008)–Anoniem Leuvens bijbel 1548–
Auteursrechtelijk beschermd1[2]ICk sal den Heere ghebenedijden tot allen tijden, altijt is sijnen lof in mijnen mont. | |
2[3]Inden Heere sal mijn ziele gheloeft worden, laet die saechtmoedighe hooren, ende laetse hen verblijden. | |
3[4]Maect den Heere groot met my, ende laet ons sijnen naem verheffen met malcanderen. | |
4[5]Ick heb den Heere versocht, ende hy heeft my ver- | |
[pagina *453]
| |
hoort, ende wt alle mijn verdructheyt heeft hy my verlost. | |
5[6]Gaet tot hem ende wort verlicht, ende soo en sullen v aensichten niet bescaemt worden. | |
6[7]Dese arme heeft gheroepen, ende die Heere heeft hem verhoort, ende van alle sijn tribulacien heeft hy hem verlost. | |
7[8]Die engel des Heeren sal si seluen stellen rontsomme die ghene die hem vreesen, ende hy salse verlossen. | |
8[9]Smaect ende siet want die Heere is suet, salich is die man die in hem hoept. | |
9[10]Vreest den Heere alle sijn heylighen, want sij en hebben gheen ghebreck die hem vreesen. | |
10[11]Die rijcke hebben ghebreck ghehadt ende hongher gheleden, maer die den Heere suecken, en sullen niet vermindert worden van alle goet. | |
11[12]Coemt kinderen, hoort my, die vreese des Heeren sal ick v leeren. | |
12[13]Wie is die mensche die dleuen begheert, ende bemint te sien goede daghen. | |
13[14]Bedwinct v tonghe van quaet, ende v lippen dat sij gheen bedroch en spreken. | |
14[15]Wijct af van tquaet, ende doet goet, versuect den vrede ende veruolcht dien. | |
15[16]Die ooghen des Heeren sijn op die rechtuerdighe ende sijn ooren in hen ghebeden. | |
16[17]Maer des Heeren aensicht is ouer die quaetdoenders, dat hy vander eerden hen ghedenckenisse soude te niet doen. | |
17[18]Die rechtuerdighe hebben gheroepen ende die Heere heeftse verhoort, ende van allen haren tribulatien heeft hijse verlost. | |
18[19]By is die Heere alle den ghenen die verdruct van herten sijn, ende die ootmoedighe van gheeste sal hy behouden. | |
19[20]Veel sijn die quellinghen der rechtuerdigher, ende van alle dese salse die Heere verlossen. | |
20[21]Die Heere bewaert allen hen ghebeenten, niet een van dien en sal ghebroken worden. | |
21[22]Die doot der sondaren is dalder quaetste, ende die den rechtuerdighen haten, sullen misdoen. | |
22[23]Die Heere sal verlossen die zielen van sijnen dienaren, ende sij en sullen niet misdoen alle die in hem hopen. |
|