Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xxxvij. Capittel.

1

⁺HIer aff is mijn herte verscrict, ende tes verscoten wt sijnder plaetsen.

+ A

2

Hoort die hooringhe in die veruaerlijcheyt van sijnder stemmen, ende tgheluyt wt sijnen monde gaende.

3

Onder alle die hemelen aenmerct hy, ende sijn licht is op die eynden der eerden.

4

Nae hem sal tgheluyt briesschen hy sal donderen met die stemme sijnder grootheyt, ende hy en sal niet ondersocht worden, als sijn stemme sal ghehoort worden.

5

⁺Godt sal donderen met sijn stemme wonderlijck, die groote ende ongronderlijcke dinghen doet.

+ B

6

Die den sneu beueelt dat hy nederdalen soude op die eerde, ende den reghenen des winters, ende den slach reghen van sijnder stercheyt.

7

Die in alder menschen handen teekent, dat een ieghelijck weten soude sijn werck.

8

Die beeste sal in haer hol gaen, ende in haer cot sal die woonen.

9

Vanden binnensten sal tempeest wt comen, ende vanden noorden coude.

10

⁺Als Godt blaest soo wast tsamen den vorst, ende wederom worden die wateren seer breedt ghestort.

+ C

11

Die tarwe begheert wolcken, ende die wolcken stroeyen hen licht.

12

Die welcke doersoeckent al rontsomme werwaterts datse den wille vanden regeerder leydet, tot alle dat hy hen beuelen sal op daensicht vanden omganck der aerden.

13

Tsij in een gheslachte, tsij in haer lant, tsij in wat plaetse sijnder bermherticheyt daer hy ghebiedt datse souden gheuonden worden.

14

Hoort toe nae dese woerden Iob, staet ende aenmerct Godts wonderlijcheden.

15

⁺Weet ghy wel wanneer dat Godt den reghen gheboden heeft, dat sij dlicht van sijnen wolcken souden toonen?

+ D

16

Kende ghy oock die groote paden der wolcken, ende die volmaecte wetenheden?

17

En zijn v cleederen niet werm, als daerde vanden suyden wint doerwaeyt wort?

18

Ghy hebt bijauontueren met hem die hemelen ghemaect, die dalder vaste zijn, als oft sij van metalen ghegoten waren.

19

Toont ons wat wy hem segghen moghen, want certeyn wy worden met duysternissen omuangen.

[p. *440]

20

Wie sal hem vertellen dat ick spreke? oock al spreect een mensch, soo sal hy verslonden worden.

21

Maer nu en sien sy dlicht niet, haestelijck sal die locht in wolcken ghedronghen worden, ende den doergaende wint salse veriaghen.

22

Vanden noorden coemt gout, ende tot Godt anxtelijcken loff.

23

Want wy en moghen hem niet weerdelijck vinden, hy is groot van stercheyt, ende van ordeel ende van rechtuerdicheyt, ende men mach hem niet wtsprekende vertellen.

24

Daer om sullen hem die mannen vreesen, ende sij en sullen niet dorren aenscouwen alle die hen seluen laten duncken dat sij wijs sijn.

[afbeelding]