Den gheheelen Bybel, Inhoudende het oude ende nieuwe Testament (Leuvense bijbel 1548)
(2008)–Anoniem Leuvens bijbel 1548–2Siet ick heb mijnen mont open ghedaen, laet mijn tonghe binnen mijnen mont spreken. | |
3In mijn simpel herte sijn mijn woerden, ende een puer vonnisse sullen mijn lippen spreken. | |
4Den gheest Godts heeft my ghemaect, ende den adem des almachtighen heeft my leuende ghemaect. | |
5Ist dat ghy moghet soe antwoert my, ende teghen mijn aensicht blijft staende. | |
6Siet Godt heeft my oock ghemaect, ghelijck v, ende van den seluen slijm der aerden ben ick oock ghemaect. | |
7Maer nochtans mijn wonderlijcheyt en veruaert v niet, ende mijn constighe wtsprake en sij v niet swaer. | |
8Ghy hebt dan ghesproken in mijn ooren, ende die stemme uwer woerden heb ick ghehoort. | |
9Suyuer ben ick, ende sonder misdaet, ombesmet ende daer en is gheen boosheyt in mij. | |
10Om dat hy clachten in my gheuonden heeft, daer om heeft hy ghemeynt dat ic sijn viant was. | |
11Ga naar margenoot+Hy heeft mijn voeten inden veterblock ghestelt, hy heeft alle mijn weghen bewaert. | |
12Daer om dit is tghene daer in dat ghy niet ghe- | |
[pagina *438]
| |
rechtuerdicht en zijt. Ick sal v antwoerden dat Godt meerder is dan die mensch. | |
13Strijdt ghy teghen hem, om dat hy v tot alle woerden niet gheantwoert en heeft? | |
14Eens spreect Godt, ende ten tweeden mael soo en herhaelt hy dat selue niet. | |
15Doer eenen droom in des nachts visioen als den slaep die menschen ouerualt ende sij int beddeken slapen. | |
16Dan opent hy die ooren der mannen, ende hen leerende onderwijst hij die met leeringhe. | |
17Dat hy den mensch soude affkeeren van tghene dat hy ghedaen heeft, ende hem verlossen vander houerdien. | |
18Verlossende zijn ziele van die verderffenisse, ende zijn leuen dat hy niet voerts en come ten sweerde. | |
19Hy straft oock doer pijne int beddeken, ende alle zijn ghebeente doet hy verdwynen | |
20Affgrijselijck wort hem in zijn leuen het broot, Ga naar margenoot+ende sijnder zielen die spijse die te voren lustich was. | |
21Sijn vleesch sal verdwijnen, ende die beenderen die bedect waren sullen ghebloot worden. | |
22Sijn ziele is der verderffenissen ghemaect, ende sijn leuen den doodelijcken dinghen. | |
23Eest datter eenen enghel sijn sal voer hem sprekende, een wt den duysenden om te vercondighen des menschen gherechticheyt, | |
24hy sal sijns ghenadich wesen, ende sal segghen, Verlost hem dat hy in die verderffenisse niet neder en dale, ick heb gheuonden daer doer ic sijns ghenadich sal zijn. | |
25Sijn vleesch es verteert van die pijnen, laet hem wederom keeren tot die daghen sijnder ioncheyt. | |
26Hy sal Godt bidden, ende die sal hem versoenlijck zijn, ende hy sal zijn aensicht sien met iolijt, ende hy sal den mensch zijn rechtuerdicheyt wedergheuen. | |
27Hy sal die menschen aensien ende segghen, Ick heb ghesondicht, ende warachtelijck misdaen, ende nae dat ick weert was, en heb ick niet ontfanghen. | |
28Hy heeft zijn ziele verlost, dat sij in die verderffenisse niet gaen en soude, maer dat sij leuende dlicht sien soude. | |
29Siet alle dese dinghen werct Godt drij mael aen eenen ieghelijcken, | |
30op dat hy hen zielen soude wederroepen van die verderffenisse, ende dat hijse verlichten soude doert dlicht der leuender. | |
31Aenmerct Iob ende hoort my, ende swijcht als ick spreke. | |
32Maer eest dat ghy iet hebt te spreken, soe antwoert my, spreect want ic wil dat ghy openbaerlijck sult schijnen rechtuerdich. | |
33Maer en hebdi niet, soo hoort my, swijcht, ende ick sal v wijsheyt leeren. |