Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xi. Capittel.

1

⁺ENde Sophar die Naamathiter antwoordende heeft gheseyt.

+ A

2

Die veel spreect en sal hy oock niet hooren, oft sal een man van veel woorden oock gherechtuerdicht worden?

3

Sullen die menschen voor v alleen swijghen, ende als ghi ander menschen bespot hebt, en suldi dan van niemant wederleydt worden?

4

Want ghy hebt geseyt. Mijn sprake is puer, ende ick ben suyuer voor v aeusicht.

5

Ende och oft Godt met v sprake, ende dat hy sijn lippen v open dede.

6

Om v te toonen die verborghentheyt der wijsheyt, ende dat sijn wet menichfout is, ende dat ghi verstont, dat van v veel min gheeyscht wort dan v boosheyt verdient.

7

By auontueren suldi Godts voetstappen begrijpen, ende volmaectelijc den almachtigen vinden.

8

Hy is hoogher dan den hemel, ende wat suldy doen? dieper dan die helle, ⁺ende van waer suldijt bekennen?

+ B

9

Sijn mate is langher dan die eerde, ende breeder dan die zee.

10

Eest dat hijt al omme worpt, ende ouer een benauwet, wie sal teghen hem segghen?

11

Want hy kent die ydelheyt der menschen, ende sien-

[p. *429]

de die boosheyt en aenmerct hy die niet.

12

Een ydel man wort tot houerdien opgehauen, ende als een vuelen van eenen wilden ezel soo meynt hy dat hy vrij gheboren is.

13

Maer ghy hebt v herte vast ghemaect, ende hebt v handen tot hem wtgereyct.

14

Eest dat ghy die boosheyt die in v handt is van v wech doet, ⁺ende dat in v tabernakel gheen onrechtuerdicheyt en blijft.

+ D

15

Dan suldi v aensicht moghen opheffen sonder smette, ende ghy sult gestadich sijn, ende niet vreesen.

16

Oock suldi die allendicheyt vergeten ende ghy sult dier gedachtich wesen als der wateren die voorby ghegaen sijn,

17

ende ghelijc dat blinckende licht des middaechs sal v opstaen aenden auont, ende als ghy sult meynen dat ghy heel verteert sijt, soo suldi weder oprijsen als die morghen sterre.

18

Ende ghy sult betrouwen hebben door die hope die v voorgeleydt sal worden, ende als ghy begrauen sijt, soo suldi vrijlijck slapen.

19

Ghy sult rusten ende daer en sal niemant sijn die v veruaeren sal, ende veel luyden sullen v aensicht aenbidden.

20

Maer die oogen der ongoddelijcker sullen ontbreken, ende dat ontulieden sal van hen vergaen, ende hen hope is der zielen afgrijselijcheyt.