Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .v. Capittel.

1

⁺MAer hier nae sijn ghecoren die Princen der dorpen dat sij op gaen souden by hen huysen ende familien, ende hen huysvrouwen, ende hen sonen ende dochteren, ende hen knechten ende dienstvrouwen, ende hen beesten.

+ A

2

Ende Darius die coninck heeft tsamen met hen ghesonden duysent ruyters te peerde tot datse die gheleyt hadden in Ierusalem met vrede, ende met musijck spelen ende tamboeren ende fluyten,

3

ende allen hen broeders waren spelende, ende hy heeftse doen opgaen te samen met hen.

4

Ende dit sijn die namen der mannen die opghegaen sijn by haren dorpen in die gheslachten ende totten deele van haerder heerscappien.

5

Die Priesteren. Die sonen van Phinees Aarons sone Iesus Iosedecs sone, Ioacim die sone Zorobabel, des soens Salatiel van Dauids huys, wt Phares gheslachte wt den stam van Iuda,

6

die ghesproken heeft onder Dario den coninck van Persen wonderlijcke woerden, int tweede iaer van sijnen conincrijck. In dierste maent Nisan.

7

Ende dit sijn sij die opghegaen sijn vanden Ioetschen lande wt die gheuanghenisse der oueruoeringhen, die welcke Nabugodonosor die coninck van Babilonien ouergheuoert hadde in Babilonien ende sijn weder ghekeert in Ierusalem

8

ende sij hebben versocht een deel des Ioetschen lants, elck sijn stadt die ghecomen waren met Zorobabel ende Iesu. Nehemias, Areores, Elimeo, Emmanio, Mardocheo, Beelsuro, Mechpsatochor, Olioro, Emmonia een van haren Princen.

9

Ende tghetal van haren gheslachten, wt haren hooftmannen. Die kinderen Phares twee duysent hondert tweentseuentich.

10

Die kinderen Ares drij duysent, hondert, seuenenvijftich,

11

Die kinderen Phemo honder tweenveertich, Onder die kinderen Iesu ende Ioabes duysent drij hondert twee,

12

Die kinderen Demu, twee duysent, vierhondert tseuentich, Die kinderen Choraba tweehondert vijf, Die kinderen Banica, hondert achtentsestich,

13

die kinderen Bebech, vierhondert drij, Die kinderen van Archad, vierhondert seuenentwintich,

14

Die kinderen Chan, seuenendertich, Die kinderen Soroai, twee duysent seuenentsestich, Die kinderen Adin, vierhondert eenentsestich,

15

Die kinderen Aderectis, hondert achte, Die kinderen Ciaso ende Zelas, hondert seuen, Die kinderen Azoroc, vierhondert neghen ende dertich,

16

Die kinderen Iedarbone, hondert tweendertich, Die kinderen Ananie, hondert dertich, Die kinderen Asoni, tneghentich,

17

Die kinderen Marsar, vierhondert tweentwintich, Die kinderen Zabarus, vijf ende neghentich, Die kinderen Sepolemon, hondert drijentwintich,

[p. *375]

18

Die kinderen Nepopas vijfenvijftich, Die kinderen Hechanathus hondert achentvijftich, Die kinderen Cebethanus, hondert tweendertich,

19

Die kinderen van Crearpatros, die Enocadies ende Modie waren vierhondert drijentwintich, Die wt Gramas ende Gabea, waren hondert eenentwintich,

20

Die wt Besselon ende Ceagge, waren vijf ende tsestich, Die wt Bastaro waren hondert tweentwintich,

21

Die wt Bechenobes vijfenvijftich, Die kinderen van Liptis hondert vijfenvijftich, Die kinderen Labonni drij hondert seuen ende vijftich,

22

Die kinderen Sichem drij hondert tseuentich, Die kinderen Suadon ende Cliomus, drij hondert achthentseuentich,

23

Die kinderen Ericus tweeduysent, hondert vijfenveertich, Die kinderen Anaas, drij hondert tseuentich. ⁺Priesteren,

+ C

24

Die kinderen van Ieddus, Die kinderen Euther, die kinderen Eliasib, drij hondert tweentseuentich, Die kinderen Emerus, tweehondert tweenvijftich,

25

Die kinderen Phasurij, drij hondert seuen ende vijftich, Die kinderen Caree, tweehondert seuen ende twintich,

26

die Leuiten, Die kinderen Iesu in Caduhel ende Bamis ende Serebias ende Edias, vierentseuenntich, alle tghetal van dat twaelfste iaer, was dertich duysent vier hondert tweentsestich,

27

Alle die tellinghe der sonen ende dochteren ende huysvrouwen was veertich duysent twee hondert tweenveertich,

28

Die kinderen der Priesteren die in den tempel songhen, Die kinderen Asaph hondert achtentwintich.

29

Maer die doerwaerders, die kinderen Esmenni, Die kinderen Azer, Die kinderen Amon, Die kinderen Accuba Topa, die kinderen Tobi alle hondert neghen ende dertich.

30

Die Priesters inden tempel dienende, Die kinderen Sel, Die kinderen Gaspha, Die kinderen Tobloch, Die kinderen Carie, Die kinderen Su, Die kinderen Hellu, Die kinderen Labana, Die kinderen Armacha, Die kinderen Accub, Die kinderen Otha, Die kinderen Cetha, Die kinderen Aggab, Die kinderen Obai, Die kinderen Anani, Die kinderen Canna, Die kinderen Geddu,

31

Die kinderen An, Die kinderen Radin, Die kinderen Desanon, Die kinderen Nachoba, Die kinderen Caseba, Die kinderen Gaze, Die kinderen Ozui, Die kinderen Sinone, Die kinderen Attre, Die kinderen Hasten, Die kinderen Asiana, Die kinderen Manei, Die kinderen Nasissim, Die kinderen Accusu, Die kinderen Agista, die kinderen Azui, Die kinderen Fauon, Die kinderen Phasalon,

32

Die kinderen Meedda, Die kinderen Phusa, Die kinderen Caree, Die kinderen Barcus, Die kinderen Saree, Die kinderen Coesi, Die kinderen Nasith, Die kinderen Agisti, Die kinderen Pedon,

33

Salomon sijn kinderen, ⁺Die kinderen Asophot, Die kinderen Phazida, Die kinderen Celi, Die kinderen Dedon, Die kinderen Gaddahel, Die kinderen Sephegi,

+ D

34

die kinderen Aggia, Die kinderen Sachareth, Die kinderen Sabathen, Die kinderen Caroneth, Die kinderen Malsith, Die kinderen Ame, Die kinderen Sasus Die kinderen Addus, Die kinderen Suba, Die kinderen Eura, Die kinderen Rahotis, Die kinderen Phasphat, Die kinderen Malmon,

35

alle den gheheylichden dienende, ende Salomons dienaers, vier hondert tweentachtentich.

36

Dit sijn die kinderen die opghegaen sijn van Thelmela Thelharsa. Hen Princen waren Carmellan ende Careth,

37

ende sij en consten hen steden niet ghenoemen ende hen gheslachten, hoe dat sij wt Israel sijn, Die kinderen Dalari, Die kinderen Tubal, Die kinderen Nechodaici,

38

wt den Priesters die tpriesterscap bedienden, ende niet gheuonden en sijn die kinderen Obia, Die kinderen Achisos, Die kinderen Addin die een huysvrouwe ghenomen heeft wt die dochteren Phargeleu,

39

ende sij sijn nae sijnen naem ghenoemt, ende die scrifture van deser geslachte is gesocht inden register, ende en is niet gheuonden, ende tes hen verboden het priesterscap te bedienen.

40

Ende Nehemias ende Astharas hebben hen gheseyt, dat sij van dat heylighe niet mede deelen en souden tot datter een gheleert ouerste priester opstaet ter vertooninghen ende ter waerheyt.

41

Ende alle die van Israel (wt ghenomen die knechten ende dienstvrouwen) waren, tweenveertich duysent, drij hondert veertich,

42

Hen knechten ende dienstvrouwen, seuen duysent, drij hondert, seuen ende dertich. Sanghers ende sangherssen twee hondert vijfentsestich.

43

⁺Die kemelen waren vierhondert vijfendertich. Die peerden seuen duysent sessendertich, Die muylen tweehondert duysent, vijfenveertich, Lastdraghende eselen vijduysent, vijfentwintich.

+ E

44

Ende van haren ouersten duer die dorpen doen sij inden tempel Gods quamen die in Ierusalem was hebben beloeft te vernieuwen ende op te richten den tempel op sijn plaetse, nae hen macht.

45

Ende totten heylighen tempel in den scat der wercken te gheuen twaelf duysent ponden gouts, ende vijf duysent ponden siluers, ende hondert priesterlijcke cleederen.

46

Ende die priesters ende Leuiten, ende die vanden volcke wt waren ghegaen woonden in Ierusalem ende int lant, ende die heylege sanghers ende doerwaerders ende alle Israel in hen lantscappen.

47

Ende als nakende was die seuenste maent, ende doen die kinderen van Israel elcke in hen dinghen waren, soe sijn sij eendrachtelijck tsamen comen int voerhof dat daer was voer die oost doore.

48

Ende Iesus Iosedecs sone ende sijn broederen priesteren, ende Zorobabel Salatiels sone, ende de ses broeders staende hebben den outaer bereyt

49

dat sij daer op souden offeren heelbrantofferanden, Na tghene dat int boeck van Moyses des mensche Gods ghescreuen is.

50

Ende daer sijnder ooc vergadert van andere natien des lants, ende alle die luyden des lants hebben die sanctuarie op ghericht in sijn plaetse, ende sij offerden slachofferanden ende brantofferanden den Heere des morghen stonts.

51

Ende sij hielen thoochtijt der loouer tenten, ende den feestdach ghelijck dat gheboden is in die wet, ende alle daghe sacrificien ghelijck dat van noode was,

52

ende nae desen, die inghesette offeranden, ende die slachofferanden der Sabbathen ende der nieuwer maenden, ende alle der gheheylichder feestdaghen.

53

⁺Ende alsoe veele alsser den Heere ghelofte deden van die nieuwe mane der seuenster maent hebben begonst Gode slachofferanden te offeren, ende den tempel des Heeren en was noch niet opghetimmert.

+ F

54

Ende sij hebben den steenhouders ende den timmerluyden ghelt ghegheuen, ende dranck ende spijse met blijscap.

55

Ende sij hebben kerren ghegheuen dien van Sydonien ende Tyrien, dat sij hen ouervoeren souden van Libano Cederen balcken, ende dat sij vloten souden maken tot in die hauene van Ioppe nae tgebodt dat hen ghescreuen was van Cyrus den coninc van Persen.

56

Ende int tweede iaer comende inden tempel Gods in Ierusalem, in die tweede maent heeft begonst Zorobabel Salathiels sone, ende Iosue die sone Iosedec, ende hen broeders, ende die Priesters ende Leuiten, ende alle die comen waren van die gheuanghenisse tot in Ierusalem,

57

ende sij hebben ghefundert den tempel

[p. *376]

Gods in die nieuwe mane van die tweede maent des tweeden iaers, na dat sij int Ioetsche lant ende Ierusalem ghecomen waren.

58

Ende sij hebben die Leuiten van twintich iaren ghestelt op die wercken des Heeren. Ende Iesus ende sijn sone, ende alle sijn broeders die Leuiten stonden met eendrachticheyt ende die volbrenghers der wet, doende die wercken in dat huys des Heeren.

59

Ende die Priesters stonden ghecleedt met Priesterlijck habijt, ende met tromppetten, ende die Leuiten Asaphs sonen hebbende cymbalen

60

ende tsamen den Heere louende, ende ghebenedijdende, nae die wijse van Dauid den coninck van Israel.

61

Ende sij songhen den Heere eenen lofsanck, ⁺want sijn soeticheyt ende eere is inder eewicheyt ouer alle Israel.

+ G

62

Ende alle dat volck blies met trompetten ende riep met luyder stemmen, tsamen louende den Heere int verwecken van dat huys Godts.

63

Ende daer isser comen wt die priesteren ende Leuiten, ende vanden ouersten ouders na die dorpen, die het voerleden huys ghesien hadden

64

tot dees huys timmeringhe, met een gheroep ende groot ghescrey, ende veel met trompetten, ende grooter blijscappen,

65

alsoe dat het volck die trompetten niet en hoorde om dat ghescrey des volcs. Want die scare was met trompetten spelende heerlijck, alsoe dattet verre ghehoort worde.

66

Ende die vianden der gheslachten van Iuda ende Beniamin hebbent ghehoort, ende sijn ghecomen om te weten wat gheluyt der trompetten dat dit was.

67

Ende sij hebben bekent dat die vander gheuanghenissen, op timmerden den tempel den Heere den Godt van Israel,

68

Ende sij comende by Zorobabel ende Iesum den ouerste der dorpen hebben tot hen gheseydt. Wy sullen tsamen met v lieden timmeren.

69

Want wy hebben ooc desghelijcs uwen Heere ghehoort, ende wy wandelen tsamen van die daghen Asbazareths des conincs van Assyrien, die ons hier ouer ghebrocht heeft.

70

Ende Zorobabel ende Iesus ende die princen der familien hebben tot hen gheseyt. Ten behoort niet dat ghy ende wy thuys ons Godts timmeren souden,

71

want wy sullen alleen timmeren den Heere van Israel. Nae tghene dat ons gheboden heeft Cyrus die coninck van Persen.

72

Maer die heydenen des lants oueruallende die ghene die int Ioetsche lant waren, ende oplichtende dwerck der timmeringhen ende laghen ende volck daer toe brenghende hebben hen verboden te timmeren,

73

ende doende oploopen hebben sij beledt dattet werck niet volbracht en soude worden alle den tijt des leuens van Cyrus den coninck van Persen, ende sij hebben die timmeringhe vertrocken twee iaren lanck, tot dat rijck van Darius.